Stóðsmölun á Laxárdal og Skrapatungurétt framundan
Um næstu helgi, dagana 14. og 15. september, verður hin árlega stóðsmölun í Laxárdal og stóðrétt í Skrapatungurétt í framhaldi af henni. Þessir viðburðir eru jafnan fjölmenni og eru allir hjartanlega velkomnir að slást í hóp með gangnamönnum á Laxárdal og upplifa gleðina með heimamönnum.
Það er enginn annar en Skarphéðinn Einarsson, kórstjóri Karlakórs Bólstaðarhlíðarhrepps, sem er ferðamannafjallkóngur og mun hann sjá um fararstjórn og leiðsögn ferðamanna í stóðsmöluninni.
Gestir sem hafa áhuga á að slást í för með gangnamönnum á Laxárdal geta, hvort heldur sem þeir kjósa, leigt hesta hjá heimamönnum eða mætt með sín eigin hross. Gjaldfrjáls nátthagi verður fyrir hross á Strjúgsstöðum (norðan afleggjara við veginn).
Fyrir þá sem kjósa að taka ekki þátt í reiðinni sjálfri er bent á að Kirkjuskarðsrétt er í 40 mínútna akstursfjarlægð frá Blönduósi og Skrapatungurétt í aðeins um 15 mínútna akstursfjarlægð.
Dagskrá helgarinnar er á þessa leið:
Laugardagurinn 14. september
9:30 Lagt af stað frá Strjúgsstöðum í Langadal
9:30 Lagt af stað frá Gautsdal
12:00 Áning í Kirkjuskarði. Kjötsúpa og fleiri veitingar til sölu (ath. enginn posi)
13:00 Bændafitness, Guðmundur Hallgrímsson stýrir bæjakeppni
15:30 Riðið af stað frá Kirkjuskarði
16:30 Stóðhrossin hvíld við Mánaskál. 30 mínútna stopp
17:00 Rekstur frá Mánaskál,
17:30 Stóðhross komin í nátthaga við Skrapatungurétt
23:30 Réttardansleikur í Félagsheimilinu
Sunnudagurinn 15. september
11:00 Stóðréttir í Skrapatungurétt.
Veitingasala í réttarskúr á meðan réttarstörfum stendur
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.