Stólarnir enduðu í tíunda sæti
Síðasta umferðin í Iceland Express deildinni í körfubolta fór fram í gærkvöldi. Tindastólsmenn brunuðu alla leið suður með sjó og spiluðu við spræka Njarðvíkinga sem hafa verið að fínpússa sinn hóp síðustu vikurnar. Þeim þótti ástæða til að draga fram úr erminni Brenton Birmingham í gærkvöldi til að hita kappann upp fyrir úrslitakeppnina. Njarðvíkingar voru sterkari aðilinn í gær og unnu nokkuð öruggan sigur, 96-84.
Jafnræði var með liðunuum í fyrsta leikhluta en eins og svo oft áður í vetur byrjuðu Stólarnir leikinn ágætlega. Njarðvíkingar höfðu þó yfir 27-24 að fyrsta leikhluta loknum. Bilið jókst síðan smá saman í öðrum leikhluta og þegar gengið var til búningsherbergja í hálfleik voru heimamenn með 11 stiga forskot, 53-42.
Áfram héldu Njarðvíkingar að bæta við muninn framan af þriðja fjórðungi og þeir voru 18 stigum yfir fyrir lokafjórðunginn, staðan 81-63. Tindastólsmenn náðu að klóra í bakkann í fjórða leikhluta, Njarðvíkingum gekk illa að skora framan af leikhlutanum og smátt og smátt saxaðist á forskotið. Þegar rúmar þrjár mínútur voru eftir var munurinn kominn niður í 6 stig en þá spýttu heimamenn í lófana og kláruðu leikinn af öryggi. Lokatölur 96-84.
Hayward Fain átti fínan leik í gærkvöldi, gerði 23 stig og tók 13 fráköst. Þá gerði Sean Kingsley Cunningham 18 stig, tók 6 fráköst og átti 5 stoðsendingar. Rikki var með 15 stig og Svabbi 11. Líkt og í síðustu leikjum náði Kita sér ekki í gang og lék reyndar aðeins í tæpar 16 mínútur í gær. Eftir úrslitin í gær var ljóst að lið Tindastóls endaði í tíunda sæti í deildinni, með 14 stig líkt og Hamar Hveragerði en Stólarnir höfðu betur í innbyrðisviðureignum liðanna í vetur og það eru því Hvergerðingar sem falla ásamt liði KFÍ frá Ísafirði. Lið Tindastóls hóf leiktíðina á að tapa fimm fyrstu leikjum sínum en hörmulegra var að liðið tapaði sjö síðustu leikjum sínum í deildinni.
Stig Tindastóls: Fain 23, Cunningham 18, Rikki 15, Svabbi 11, Kita 7, Pálmi 5, Helgi Freyr 3 og Helgi Rafn 2.
Fleiri fréttir
-
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira
