Stórtónleikar í Skagafirði

feykir.is Skagafjörður, Listir og menning 31.10.2008 kl. 16.35

Nú líður senn að flutningi kórverksins Carmina Burana í Skagafirði.  Það verður á sunnudaginn 2. Nóvember sem fjölmennur kór kemur að sunnan til að flytja verkið, ásamt Carminahópnum héðan úr Skagafirði.  Tónleikarnir hefjast kl. 17.00 í íþróttahúsinu í Varmahlíð.  Húsið mun opna kl. 16.00. 

  Tóndæmi má nálgast hér

Flytjendur eru Óperukór Reykjavíkur, Skagfirska söngsveitin, kvennakór úr Domus vox, kór Flensborgarskóla í Hafnarfirði, Landsvirkjunarkórinn og sem fyrr segir Carminahópurinn úr Skagafirði.   Þetta eru sömu kórarnir, utan kórs Flensborgarskóla, og sungu í Langholtskirkju tvenna tónleika fyrir fullu húsi síðasta vor og aftur í Carnegie Hall í New York fyrir u.þ.b. 2000 manns.  

 

Stjórnandi verður Garðar Cortes.  Einsöngvarar verða þau Þóra Einarsdóttir sópran, Bergþór Pálsson bariton og Þorgeir J. Andrésson tenor, en óhætt er að segja að sá síðastnefndi hafi heillað Skagfirðinga með söng sínum síðasta vetur er hann tók þátt í verkefni karlakórsins Heimis um Stefán Íslandi.   Á flyglum verða þau Guðríður St. Sigurðardóttir og Kristinn Örn Kristinsson og það verður svo slagverkssveit frá Sinfóníuhljómsveit Norðurlands sem sér um kraftmikið slagverk tónlistarinnar.  Er hér um einvalalið söngvara og hljóðfæraleikara að ræða. 

 

Þess má geta að Carmina Burana er eitt vinsælasta og skemmtilegasta kórverk samtímans og er það flutt einusinni til tvisvar á dag einhversstaðar í heiminum allan ársins hring.   Verkið hefur aldrei áður verið flutt í Skagafirði svo hér er stórviðburður í uppsiglingu.  Miðasala er í fullum gangi og er hægt að nálgast miða í forsölu í versluninni Kompunni s: 453 5499 og/eða í s: 862 6711.  Verð í forsölu er kr. 2.500,- en kr. 3.000,- við innganginn.   Ath!  Hægt er að greiða með korti við inngang.  Tryggið ykkur miða tímanlega því miðasala hefur farið vel af stað.

 

Það er Kristján F. Valgarðsson söngkennari og kór hans Carminahópurinn sem standa að þessari uppfærslu og eru Skagfirðingar og nærsveitarmenn eindregið hvattir til að tryggja sér miða og missa ekki af þessum tónlistarviðburði.   

Til baka

Fleiri fréttir

  • Mynd aðsend.

    Alþjóðlegi safnadagurinn hjá Byggðasafni Skagfirðinga á sunnudaginn

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40 siggag@nyprent.is
    Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.
    Meira
  • Frá heimsókn í Steinullarverksmiðjuna. MYND AÐSEND

    Vel heppnuð námsferð stúdenta í iðnaðar- og orkutæknifræði á Sauðárkrók

    feykir.is Skagafjörður 14.05.2025 kl. 13.17 gunnhildur@feykir.is
    Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.
    Meira

  • Tilkynning um fráveituframkvæmdir í Víðihlíð á Sauðárkróki 14. - 15. maí

    feykir.is Skagafjörður 14.05.2025 kl. 12.27 gunnhildur@feykir.is
    Á vef Skagafjarðar er vakin athygli á því að vegna fráveituframkvæmda í Víðihlíð á Sauðárkróki í dag og á morgun, megi búast við vegaþrengslum á framkvæmdasvæðinu
    Meira
  • Rakel, Baldur og Ragnar Thor. MYND AÐSEND

    Tvö uppáhaldsliðin að mætast í úrslitum

    feykir.is Skagafjörður, Íþróttir, Lokað efni 14.05.2025 kl. 09.40 gunnhildur@feykir.is
    Rakel Rós Ágústsdóttir er fædd og uppalin á Sauðárkróki og má kannski segja að hún komi úr fremar rótgróinni körfuboltafjölskyldu. Hún, bræður og systir körfubolta-spilandi og síðan er hún gift Baldri Þór Ragnarssyni og á með honum soninn Ragnar Thor. Fyrir þá sem ekki vita er Baldur, maður Rakelar, þjálfari Stjörnunnar í meistaradeild karla í körfubolta sem etur nú kappi við Tindastól í úrslitum bónusdeildarinnar í körfubolta. Þriðji leikurinn í seríunni fer einmitt fram í Síkinu í kvöld og hefst á slaginu 19:15.
    Meira
  • Þetta er hann Tungukotsmóri sem er listaverk eftir Ólöfu Nordal sem er á lóð Heilbrigðisstofnunarinna. Hann á að minna íbúa á að hlúa vel að stofnuninni. MYND: GUÐMUNDUR HAUKUR

    Hollvinasamtök Heilbrigðisstofnunar Hvammstanga hélt aðalfund

    feykir.is Vestur-Húnavatnssýsla, Mannlíf, Lokað efni 14.05.2025 kl. 08.38 oli@feykir.is
    Aðalfundur Hollvinasamtaka Heilbrigðisstofnunar Hvammstanga var haldinn þann 5. maí sl. Í tilkynningu frá samtökunum segir að á þeim 19 árum síðan samtökin voru stofnuð hafi þau afhent stofnuninni gjafir að upphæð kr. 51.280.000 sem á núvirði eru líklega í kringum 80 milljónir.
    Meira
Yfirlit frétta