Sumartónleikar í Hóladómkirkju
Árlegir sumartónleikar í Hóladómkirkju hefjast sunnudaginn 19. júní og verða tónleikar haldnir í kirkjunni alla sunnudaga út ágúst. Tónleikarnir eru á sunnudögum og hefjast kl. 14:00. Aðgangur er ókeypis. Alexandra Chernyshova sópran og Katie Buckley hörpuleikari koma fram á fyrstu tónleikum sumarsins. Þær flytja fjölbreytta og skemmtilega efnisskrá sem spannar meðal annars íslenskar söngperlur, óperuaríur, rússnesk lög, Broadway standarda og lög Andrew Lloyd Webber.
Katie Buckley er bandarísk og hóf nám í hörpuleik 8 ára gömul og lauk gráðunum Bachelor of Music, Performer´s Certificate og Master of Music frá Eastman School of Music í Rochester, New York. Hún hefur komið fram sem einleikari með mörgum hljómsveitum, þ.á.m. The Eastman Chamber Orchestra og Rochester Philharmonic Orchestra. Árið 2004 tók Katie við stöðu hörpuleikara við Brevard Music Festival í Brevard, North Carolina og 2005 var hún ráðin hörpuleikari Sinfóníuhljómsveitar Íslands. Katie var meðlimur í The World Philharmonic Orchestra í París 2006.
Alexandra Chernyshova er fædd í Kiev í Úkraínu árið 1979. Hún lauk píanónámi í tónlistaskóla árið 1993 en þaðan fór hún í söngnám í tónlistarháskólanum Glier í Kíev, því námi lauk árið 1998. Í lok október 2003 fluttist Alexandra til Íslands og hefur meðal annars stofanð, sett upp og sungið með Óperu Skagafjarðar.Sunnudaginn 26. júní eru tónleikarnir á vegum Barokkhátíðar á Hólum sem haldin verður 23. – 26. júní.
Í júlí er það Örn Magnússon sem heldur orgeltónleika þann 3. júlí. 10. júlí eru það Laufey Sigurðardóttir og Páll Eyjólfsson sem leika saman á fiðlu og gítar. Helgina þar á eftir, þann 17. júlí, er röðin komin að Guðnýju Guðmundsdóttur og Gunnari Kvaran sem leika samleik á fiðlu og selló. Björg Þórhallsdóttir sópran og Elísabet Waage hörpuleikari flytja tónleika 24. júlí. Tónleikarnir 31. júlí verð auglýstir síðar.Í ágúst er boðið uppá orgeltónleika Sveins Arnar Sæmundssonar 7. ágúst. Á Hólahátíð 12.-14. ágúst er sérstök dagskrá með tónlist. Þann 21. ágúst eru minningartónleikar um Katrínu Jónsdóttur í umsjá Gerðar Bolladóttur söngkonu. Tónleikum sumarsins lýkur síðan með tónleikum Rikínifélagsins – félags um forna tónlist þann 28. ágúst.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
