Súrt og svekkjandi tap í Boganum
Að skrifa um fimm marka ósigur í fótboltaleik er ekki góð skemmtun. Það er þó sennilega enn verra að vera í liðinu sem tapar 5-0. Í gær mættu Stólastúlkur góðu liði Þórs/KA í Bestu deildinni, leikurinn var orðinn erfiður eftir 18 mínútur og svo varð hann bara erfiðari. Heimastúlkur höfðu gert fjögur mörk fyrir hlé og bættu einu við á lokamínútunum. Lið Tindastóls fann aldrei taktinn í sókninni, fékk á sig mörk úr föstum leikatriðum og Akureyringar léku á alsoddi. En það er auðvitað eitthvað bogið við að spila í Boganum.
Lið Tindastóls varð fyrir áfalli í byrjun leiks því eftir 12 mínútna leikf varð Aldís María frá að hverfa eftir að hafa í tvígang fengið högg á höfuðið. Inn á kom Krista Sól. Fyrsta mark leiksins leit dagsins ljós mínútu síðar og þar var á ferðinni Agnes Birta með skalla eftir hornspyrnu en hún lék með liði Tindastóls sumarið 2000. Annað mark hennar í efstu deild og hefði alveg mátt sleppa því. Fimm mínútum. Fimm mínútum síðar bætti Karen María við marki, slapp í gegn og mat dómaratríóið að hún hefði verið réttstæð. Ekki var Tindastólsfólk sátt við það og Konni aðstoðarþjálfari fékk að líta tvö gul spjöld og þar með rautt. Staða Stólastúlkna því orðin erfið.
Iðunn Rán bætti við þriðja markinu á 33. mínútu og Sandra María slapp inn fyrir vörn Tindastóls í uppbótartíma og klíndi knettinum upp í samskeytin. Lokamarkið gerði Emelía Ósk á 83. mínútu og var þá búin að vera inná í örfáar mínútur.
Svekkjandi tap í leik þar sem aldrei kviknaði á okkar liði. Heimastúlkur pressuðu gestina í rassgat frá upphafi og voru í raun snöggar að gera út um leikinn. Í samtali við Fótbolti.net að leik loknum sagðist Donni þjálfari vera súr og svekktur með mörkin sem lið hans fékk á sig og að það hafi ekki haldið betur í boltann. „Við vorum að spila á móti liði sem er komið lengra en við, við vonuðumst til að geta gert aðeins betur en það gekk ekki," sagði Donni.
Lið Tindastóls var án Gabby og Birgittu og má í raun afskaplega illa við öllum skakkaföllum því breyddin er lítil þegar kemur að reynsluboltum. Það var þó ánægjulegt að Kristrún María kom inná í lokin en það eru um 16 mánuðir síðan hún sleit krossbönd og fleira til en það var einmitt í leik í Boganum.
Fleiri fréttir
-
Búminjasafnið í Lindabæ og Samgöngusafnið í Stóragerði búin að opna fyrir gest
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 10.00Bíla og tækjasöfn Skagafjarðar hafa nú opnað fyrir gesti en Búminjasafnið í Lindabæ opnaði þann 1. júní og er opið alla daga frá kl. 11-17. Samgöngusafn Skagafjarðar opnaði á laugardaginn var og er einnig opið alla daga vikunnar frá kl. 11-17. Nýir sýningargripir bætast við söfnin á hverju ári og er einnig hægt að gæða sér á vöfflum og með því á báðum stöðum alla daga.Meira -
Fínasta veður í dag, 17. júní
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 07.32Á vedur.is segir að á Norðurlandi vestra verði hæg breytileg átt, þurrt og bjart veður og á hitinn að vera frá 10 til 16 stig á svæðinu. Það er því tilefni til að njóta dagsins utandyra í dag, 17. júní.Meira -
Í dag er 80 ára lýðveldisafmæli Íslands
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 06.42Í dag, 17. júní, eru 80 ár liðin frá stofnun lýðveldisins og af því tilefni eru hátíðarhöld um allt land. Ekki láta íbúar á Norðurlandi vestra deigan síga í þeim efnum en vegleg dagskrá er á Sauðárkróki, Blönduósi og Hvammstanga í tilefni dagsins. Feykir óskar Íslendingum nær og fjær til hamingju með daginn.Meira -
Jafnt í fjörugum leik Tindastóls og Víkings
feykir.is Skagafjörður, Íþróttir 17.06.2024 kl. 00.58Eftir þrjá tapleiki í röð ætluðu Stólastúlkur að næla í þrjú stig þegar bikarmeistarar Víkings komu valhoppandi norður yfir heiðar. Loks var leikið á gervigrasinu á Króknum en þar höfðu Stólastúlkur ekki sparkað í keppnistuðru síðan leysingahelgina miklu í apríl. Leikurinn var ágæt skemmtun, hart var barist en eftir að gestirnir náðu forystunni snemma í síðari hálfleik sáu þær um að jafna leikinn þegar skammt var til leiksloka. Liðin fengu því sitt hvort stigið eftir 1-1 jafntefli.Meira -
Töluvert sanngjarn sigur Tindastólspilta
feykir.is Skagafjörður, Íþróttir 16.06.2024 kl. 12.56Tindastólspiltar spiluðu fyrsta heimaleik sumarsins í gær þegar Reykjanesúrvalið mætti á gervigrasið sígræna á Sauðárkróki. Leikurinn var spilaður við fínar aðstæður og var líflegur, þó sérstaklega í fyrri hálfleik en þá baðaði markvörður gestanna sig í sviðsljósinu og hélt markinu hreinu. Stólarnir gerðu það sem þurfti í síðari hálfleik og uppskáru 2-0 sigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.