Svartbaunaborgari og föstudagspizza
Matgæðingur í tbl 8 á þessu ári var Arnar Þór Sigurðsson en hann er fæddur og uppalinn í Skagafirði en býr í dag í Mosfellsbæ með kærstunni sinni, Þórdísi Ólafsdóttur. Arnar starfar sem kerfisstjóri hjá Origo en Þórdís sem sjúkraþjálfari hjá Sjúkraþjálfun Íslands.
„Við erum nokkuð dugleg við að elda heima og reynum að hafa fjölbreyttan mat í hverri viku. Steiktur fiskur og soðin ýsa rata samt alltaf á seðil vikunnar. Fyrir nokkrum árum uppgvötaði ég að til væri fullt af uppskriftum sem innihéldu baunir í stað kjöts og hef frá þeim tíma haft mikinn áhuga á hinum ýmsu bauna-réttum. Ódýrt hráefni, fyllir vel í magann
RÉTTUR 1
Svartbaunaborgarar -með sætum kartöflum og salati! (fyrir 3-4)
Svartbaunabuff:
1 dós svartbaunir
½ paprika
½ laukur
2 hvítlauksrif
1 egg
2/3 bolli brauðrasp
1 msk. chilliduft
1 tsk. cumin
salt og pipar eftir smekk
Salat:
½ poki spínat
1 rauð paprika
½ rauðlaukur
1 box kirsuberjatómatar (eða aðrir litlir tómatar)
1-2 avocado
Brauðið:
1-2 sæt kartafla (fer eftir stærð þeirra og smekk)
olía
salt og pipar (eða krydd að eigin vali)
Aðferð: Skerið kartöflurnar niður í sneiðar (1,5-2 cm þykkar), dreifið á ofnplötu, setjið smá olíu yfir og kryddið. Sett inn í ofn á 200°C (blástur) í 25-30 mínútur (fer eftir þykkt sneiðanna). Kartöflusneiðarnar eru notaðar í staðinn fyrir hamborgarabrauð. Gott er að útbúa svartbaunabuffið á meðan kartöflurnar eru í ofninum. Byrjið á að skola baunirnar og þerra þær. Stappað í skál með gaffli. Maukið því næst saman við papriku, lauk og hvítlauk í matvinnsluvél. Takið mesta vökvann úr maukinu áður þessu er blandað saman við baunirnar. Næst er chillidufti, cumin, salt- og pipar, brauðrasp og eggi bætt út í og hrært vel saman. Svo er mótað í þrjú - fjögur buff með höndunum og steikt á pönnu í fjórar til fimm mínútur á hvorri hlið og osti skellt á í lokin. Mæli með að gera margfalda uppskrift og setja ósteikt buff í frysti til að eiga, þar sem maður nennir kannski ekki að brúka matvinnsluvél neitt oftar en maður þarf. Allt grænmeti skorið niður og blandað saman í skál. Skiptum því svo jafnt niður á þrjá fjóra diska. Þegar öllu hér að ofan er lokið er sett dass af pítusósu og chillimajó á salatið, kartöflusneiðunum skellt ofan á og buffið fer á milli kartöflusneiðanna. Mæli með að steikja beikon, ef þið eigið það til, og setja á milli líka.
RÉTTUR 2
Föstudagspizza
Pizzadeig:
3 bollar hveiti
1 msk. hunang
2 ½ tsk. salt
2 ¼ tsk. ger
1 bolli vatn
2 msk. olía
Athugið! Þetta er þykkur botn og því hægt að skipta honum í tvennt eftir hefingu og frysta hinn helminginn ef fólk vill
Álegg:
pepperoni
hakk (krydda með kød og grill
kryddi og smá nautakrafti)
mexíkóostur
hvítlaukur
rauðlaukur
gular baunir
blátt Doritos
ananas (ef fólk vill)
ostur
pizzasósa
Aðferð: Ger og hunang sett út í hlandvolgt vatn þar til gerið fer að freyða. Síðan er restinni af hráefnunum bætt út í og hrært í hrærivél í nokkrar mínútur. Látið hefast í 30-60 mínútur (eftir smekk) Fletjið deigið út svo það passi á bökunarplötu. Smyrjum deigið með pizzasósu (gott að strá smá pizzakryddi og hvítlauksdufti yfir sósuna), setjum ostinn undir og áleggið ofan á hann. Endum á að mylja Doritosið yfir alla pizzuna áður en hún fer inn í ofn, á 220°C (blástur) þar til hún verður golden brown all around eins og sérfræðingarnir segja.
Verði ykkur að góðu:)
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.