Sveitarfélög á Norðurlandi vestra fá rúma 3,7 milljarða króna í jöfnunarframlög
Eyjólfur Ármannsson innviðaráðherra hefur samþykkt tillögu ráðgjafanefndar Jöfnunarsjóðs sveitarfélaga um fyrstu áætlanir fyrir árið 2026 um almenn jöfnunarframlög, almenn jöfnunarframlög til reksturs grunnskóla og framlög vegna sérþarfa fatlaðra barna. Í frétt Húnahornsins um málið segir að um sé að ræða fyrstu áætlun samkvæmt nýju úthlutunarlíkani sem tekur við af útgjaldajöfnunarframlagi, tekjujöfnunarframlagi og fasteignaskattsframlagi.
Framlagið er reiknað samkvæmt nýjum lögum um Jöfnunarsjóð sveitarfélaga númer 56/2025. Gert er ráð fyrir því að áætlunin verði uppfærð jafnt og þétt eftir því sem forsendur gefa tilefni til, líkt og áður átti við um þau framlög sem nýtt úthlutunarlíkan tekur við af.
Fjárhæð framlaganna nemur 28.175 milljónum króna en af þeirri fjárhæð reiknast 1% í svokallað höfuðstaðaálag. Til almennrar úthlutunar renna því 27.893 milljónir króna sem skipt er með nýju úthlutunarlíkani. Samtals nema jöfnunarframlög til reksturs grunnskóla 16 milljörðum og framlög vegna sérþarfa fatlaðra grunnskólabarna nema tæpum fjórum milljörðum.
Af sveitarfélögum á Norðurlandi vestra fær Sveitarfélagið Skagafjörður hæsta almenna jöfnunarframlagið eða rúman 1,5 milljarð króna. Húnabyggð fær um 540 milljónir, Húnaþing vestra um 487 milljónir og Sveitarfélagið Skagaströnd rúmar 217 milljónir.
Almenn jöfnunarframlög til reksturs grunnskóla skiptast þannig milli sveitarfélaga á Norðurlandi vestra að Sveitarfélagið Skagafjörður fær 467 milljónir, Húnabyggð 239 milljónir, Húnaþing vestra 125 milljónir og Sveitarfélagið Skagaströnd 95 milljónir.
Framlög vegna sérþarfa fatlaðra grunnskólabarna skiptast þannig að Sveitarfélagið Skagafjörður fær tæpar 18 milljónir, Húnaþing vestra 14 milljónir, Húnabyggð rúmar 11 milljónir og Sveitarfélagið Skagaströnd rúmar sex milljónir.
Samtals fær Sveitarfélagið Skagafjörður, frá Jöfnunarsjóði sveitarfélaga á næsta ári, rúma tvo milljarða, Húnabyggð fær 790 milljónir, Húnaþing vestra 626 milljónir og Sveitarfélagið Skagaströnd 318 milljónir. Heildarfjárhæðin sem fer til sveitarfélaganna á Norðurlandi vestra nemur kr. 3.736.891.135.
Sjá má skiptingu framlaga úr jöfnunarsjóði á milli sveitarfélaga á vef Stjórnarráðsins.
Heimild: Húnahornið
Fleiri fréttir
-
Sterkur þriðji leikhluta Hauka dugði gegn Stólastúlkum
feykir.is Skagafjörður, Íþróttir, Lokað efni 01.10.2025 kl. 15.49Það er auðvitað ljótt að viðurkenna það en það bara fór alveg framhjá Feykisfólki að Bónus deild kvenna fór af stað í gærkvöldi og Tindastólsstúlkur mættu sjálfum Íslandsmeisturunum í Hafnarfirði. Jafnræði var lengstum með liðunum en þriðji leikhlutinn reyndist liði Tindastóls dýrkeyptur þar sem Haukastúlkurnar tók hann 36-12. Lokatölur leiksins voru aftur á móti 99-85Meira -
Allar geggjuðu minningarnar og vináttan standa upp úr
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 01.10.2025 kl. 14.47Knattspyrnudeild Tindastóls sendi rétt í þessu frá sér tilkynningu þar sem greint er frá því Donni þjálfari muni láta af störfum að þessu tímabili loknu sem þjálfari mfl. kvenna og einnig sem aðstoðarþjálfari. Hann hefur þjálfað kvennalið Tindastóls síðustu fjögur sumur en kvennaboltinn á Króknum er nú að ljúka fjórða sumrinu í efstu deild á síðustu fimm árum – árangur sem engan óraði fyrir nema kannski Stólastúlkur sjálfar. Um helgina varð hins vegar ljóst að liðið er fallið niður í Lengjudeildina á ný.Meira -
Við þurfum fjölbreyttara atvinnulíf og sterkari innviði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.10.2025 kl. 14.35Feykir greindi fyrr í dag frá þungum áhyggjum stjórnar Samtaka sveitarfélaga á Norðurlandi vestra af neikvæðri og óhagstæðri þróun í bæði íbúafjölda og fjölda ríkisstarfa í landshlutanum. Það megi ljóst vera að staða landshlutans sé grafalvarleg og að þróuninni verði að snúa við. Var framkvæmdastjóra SSNV falið að óska eftir fundi með forsvarmönnum ríkisstjórnarinnar til að ræða stöðu landshlutans. Skagfirðingurinn Einar E. Einarsson er formaður stjórnar SSNV og forseti sveitarstjótnar Skagafjarðar og hann svaraði spurningum Feykis varðandi málið.Meira -
Sigríður Ellen Arnardóttir tekur við starfi Mannauðs- og fjármálastjóra hjá Steinull hf.
feykir.is Skagafjörður, Aðsendar greinar 01.10.2025 kl. 10.47Sigríður Ellen er með B.Sc. próf í viðskiptafræði, frá Háskólanum í Reykjavík. Hún er einnig með Cand. Oecon gráðu í endurskoðun og reikningsskilum frá Háskóla Íslands og löggildingu í endurskoðun frá 2022.Meira
