Sveitarstjórnir í Austur-Húnavatnssýslu ræða sameiningarmál
Boðað hefur verið til sameiginlegs fundar sveitarstjórna í Austur Húnavatnssýslu til að ræða sameingingarmál á svæðinu. Verður hann haldinn í Fellsborg á Skagaströnd fimmtudaginn 24. ágúst nk.
Eins og Feykir.is hefur áður greint frá greint frá sendi Sveitarfélagið Skagafjörður nýlega erindi til sveitarfélaga í Austur-Húnavatnssýslu þess efnis að sveitarfélögin Skagabyggð og Skagafjörður hafi átt í óformlegum viðræðum um sameiningu sveitarfélaganna. Eru önnur sveitarfélög á svæðinu sem áhuga hafa á að ræða enn stærri sameiningu einnig boðin velkomin til viðræðna.
Byggðaráð Blönduóss tók erindið fyrir á fundi sínum þann 4. júlí sl. Byggðaráð er hlynnt sameiningu sveitarfélaga á Norðurlandi vestra og telur nauðsynlegt að fækka sveitarfélögum til að styrkja sveitarstjórnarstigið á svæðinu. Eftirfarandi bókun var samþykkt á fundinum: „Byggðaráð telur ástæðu til að sveitarstjórnir í A-Hún ræði erindið á sameiginlegum fundi sveitarstjórna í A-Hún þar sem sameining sveitarfélaga, þar með talin framangreint verði til umfjöllunar. Dagsetning slíks fundar er fyrirhuguð fimmtudaginn 24. ágúst.“
Sveitarstjórn Húnavatnshrepps tók málið einnig fyrir á fundi sínum þann 5. júlí sl. Telur sveitarstjórn ástæðu til að sveitarstjórnir í Austur-Húnavatnssýslu ræði erindið sameiginlega.
Þá tók sveitarstjórn Skagastrandar erindið fyrir á fundi sínum þann 29. júní eins og áður hefur verið greint frá á Feyki.is. Taldi sveitarstjórn ástæðu til að sveitarstjórnir í A-Húnavatnssýslu ræddu erindið sameiginlega.
Fleiri fréttir
-
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum,himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira
