Sviðsmynd og ljós – er það nokkuð mál?
Á leiksýningum beinist athyglin að leikendum á sviði sem segja okkur sögu. Staðreyndin er hinsvegar sú að leikendurnir mega sín lítils ef sviðsmynd og lýsing eru ekki vel unnar. Leikfélag Sauðárkróks hefur á sínum snærum tvo völunda sem sáu um sviðsmynd og lýsingu í Svefnlausa brúðgumanum sem nú er sýndur í Bifröst. Hvernig hannar maður sviðsmynd og lýsingu á leiksviði?
Indriði yfirsmiður: „Þetta er auðvitað samvinnuverkefni. Sviðsmyndin fer aðallega eftir því hvernig leikritið er og hvernig leikstjórinn hugsar sér umhverfið. Leiðir inn og út af sviðinu þurfa að vera greiðar, gera þarf ráð fyrir að leikmunir komist inn og út og að það sé geymslupláss baksviðs. Allt þetta þarf svo að þola umgengni leikenda og ekki síður sviðsmanna sem þurfa að ganga um sviðið í myrki. Svefnlausi brúðguminn gerist t.d. innandyra í tveimur íbúðum. Því var ákveðið að grunnurinn, veggir, hurðir og gluggar, yrði einfaldur og lítið áberandi en húsgögn, smáhlutir og lýsingin myndu skapa ólíka heildarmynd á hvora íbúð fyrir sig.“
Ægir ljósameistari:
„Oft er sagt að góð leikhúslýsing sé lýsing sem enginn tekur eftir! Birtustemningar í leikhúsi eru m.a. gerðar með því að láta ljósin lýsa úr nokkrum áttum með tilheyrandi litum. Leiklýsing gengur út á að lýsa svæðin sem leikendurnir eru á svo andlitið sjáist, en sviðslýsing gengur út á að lýsa sviðsmyndina. Oft blandast leik- og sviðslýsing saman og þá sérstaklega ef sviðið er lítið og fá ljós á því. Litir í ljósum og á sviðinu skipta líka miklu máli, rautt getur táknað ást eða ofsa á meðan blátt getur táknað depurð, fjarlægð og kulda svo eitthvað sé nefnt. Í Svefnlausa brúðgumanum er lýsingin í einfaldara lagi, bara tvö sett af sviðslýsingu með sínum lit í hvorri íbúð. Síðan eru notaðir heitir og kaldir litir í gluggann til að gefa í skyn fjarlægð og tíma.“
www.skagafjordur.net/ls
Fleiri fréttir
-
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyno, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira
