Sýning á passíusálmaútgáfum á Hólum í Hjaltadal opnuð í Auðunarstofu í dag
Í ár eru nú liðin 350 ár frá því að Passíusálmar sr. Hallgríms Péturssonar voru fyrst prentaðir árið 1666. Það var í tíð sr. Gísla biskups Þorlákssonar að sú prentun var gerð á Hólum í Hjaltadal og voru sálmar sr. Hallgríms prentaðir aftan við Píslarsálma sr. Guðmundar Erlendssonar.
Frá því þessi prentun var fyrst gerð á Hólum í Hjaltadal hafa komið út afar margar útgáfur af Pássíusálmunum. Ýmist hafa þeir verið prentaðir einir og sér eins og í útgáfunni árið 1800 eða með öðrum kvæðum sr. Hallgríms, sem Grímur Thomsen gerði í útgáfunni 1887. Árið 1947 gaf Magnús Jónsson út bókina Æfi og störf sr. Hallgríms Péturssonar þar sem hann fléttaði inn Passíusálmana.
Í tilefni af því að 350 ár eru liðin frá fyrstu prentun Passíusálmanna hefur verið opnuð í Auðunarstofu á Hólum í Hjaltadal sýning á nokkrum útgáfum Passíusálmanna.
Þar á meðal er fyrsta útgáfan prentuð á Hólum 1666, eintak með gömlu passíusálmalögunum og hátíðarútgáfa frá 1960 með myndum eftir Barböru Árnason. Um þá útgáfu ritaði sr. Sigurbjörn Einarsson biskup í formála: „Það er fyrsta passía í myndum sem vér höfum eignast, en hitt er þó meira, að hún er gerð af frábærri list. Myndir frú Barböru munu jafnan taldar meðal merkustu tíðinda á ferli Passíusálmanna.“ Hörður Ágústsson sá um þessa útgáfu.
Flest þessara eintaka eru úr bókasafni sr. Ragnars Fjalars Lárussonar sem Ríkisstjórn Íslands gaf Hóladómkirkju árið 2006 í tilefni af því að 900 ár voru liðin frá stofnun biskupsstóls á Hólum í Hjaltadal.
Á meðan sýningargestir ganga um sýninguna hljóma passíusálmarnir í hljóðkerfi hússins í flutningi Þorleifs Haukssonar.
Sýningin er í Auðunarstofu á Hólum og er opin alla daga frá kl. 10:00-18:00. Aðgangur er ókeypis.
Fréttatilkynning
Fleiri fréttir
-
Heima í stofu í kvöld | Áskell Heiðar í spjalli
feykir.is Skagafjörður, Listir og menning 30.04.2024 kl. 09.06Viðburðasénið Áskell Heiðar Ásgeirsson, sem við Skagfirðingar eignum okkur þó hann sé vissulega fæddur og uppalinn á Borgarfirði eystra, býður okkur „Heim í stofu“ núna í Sæluviku. Hann er vissulega ekki að bjóða okkur heim í sína stofu heldur getum við keypt okkur miða á tónleika sem verða haldnir á sex mismunandi heimilum og stöðum á Sauðárkróki. Nú er þetta að bresta á því Heima í stofu er einmitt í kvöld!Meira -
Jóhann Örn ráðinn í nýtt starf tengslafulltrúa hjá Húnaþingi vestra
feykir.is Vestur-Húnavatnssýsla 30.04.2024 kl. 08.33Jóhann Örn Finnsson var í gær boðinn velkominn í nýtt og spennandi starf sem styðja mun við farsæld barna í Húnaþingi vestra. Á heimasíðu sveitarfélagins segir að hann hafi verið ráðinn í nýtt starf tengslafulltrúa á fjölskyldusviði sem auglýst var á dögunum.Meira -
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.