Sýning á verkum Einars Fals Ingólfssonar í Gallerí Gangi Hofsósi
Verið velkomin !
Á sýningaropnun á verkum Einars Fals Ingólfssonar í Gallerí Gangi, Kárastíg 9, Hofsósi laugardaginn 31. mars nk. kl. 14.
Sýning Einars Fals Ingólfssonar „(Fullt hús) / Tómt hús“ verður opnuð á Ganginum, heimagalleríi Helga Þorgils Friðjónssonar, að Kárastíg 9 á Hofsósi, laugardaginn 31. mars kl. 14-17.
Er um að ræða seinni hluta sýningarverkefnis sem hófst með opnun sýningarinnar „Fullt hús / (Tómt hús)“ á Ganginum, Bolholti 8 í Reykjavík, á dögunum. Á sýningunni á Hofsósi getur að líta verk með rætur í Dalasýslu og í Skagafirði, eins og vera ber þegar litið er til sýningarstaðarins. Meginverkið sprettur af heimsókn breska myndlistarmannsins W.G. Collingwood (1854-1932) að Höskuldsstöðum í Laxárdal 7. júlí sumarið 1897. Vatnslitamynd hans er hér í samtali við verk sem Einar Falur og húsráðandinn Helgi Þorgils gerðu með hana í huga árin 2009 og 1998. Síðar vann Helgi verk um tóma húsið á Höskuldsstöðum og kallar Einar Falur hluta þess hér inn í nýtt verk sitt um sama hús á þessum kunna sögustað úr Njálu og Laxdælu.
Þá getur að líta röð verka Einars Fals úr Skagafirði, af Reykjaströnd, Sæmundarhlíð, við Húseyjarkvísl og úr Dalsplássinu. Allir eru velkomnir á opnun eða síðar þegar húsráðendur eru heima við.
/Fréttatilkynning
Fleiri fréttir
-
Ungmennaþing SSNV fór fram á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 09.10.2025 kl. 13.19Árlegt Ungmennaþing SSNV var haldið þriðjudaginn 7. október undir yfirskriftinni „Ungt fólk mótar Norðurland vestra“. Fulltrúar frá öllum sjö skólum landshlutans tóku þátt í þinginu, sex grunnskólum og einum framhaldsskóla. Sagt er frá því á vef SSNV að alls voru 40 ungmenni á aldrinum 13–18 ára. Markmið dagsins var að gefa unga fólkinu rödd og tækifæri til að móta hugmyndir að aðgerðum í landshlutanum. Þau unnu í hópum og höfðu val um þrjá flokka: útivist og samgöngur, viðburðir og afþreyingarsvæði. Afrakstur vinnunnar voru tíu fjölbreyttar hugmyndir sem nú verða teknar til frekari úrvinnslu og kynntar viðeigandi aðilum.Meira -
Sigur á Stjörnustúlkum í æsispennandi leik
feykir.is Skagafjörður, Íþróttir, Lokað efni 09.10.2025 kl. 10.52Það var hart barist í Síkinu í gærkvöldi þegar Stólastúlkur tóku á móti liði Stjörnunnar. Lið Tindastóls var nokkuð laskað þar sem hvorki leikstjórnandinn Alejandra Martinez né Rannveig voru á skýrslu og því aðeins átta leikmenn til taks hjá Israel. Sem betur fer var hin spænska Marta Hermida í banastuði og gerði 49 stig í 95-92 sigri og þar á meðal fjögur síðustu stig leiksins.Meira -
Ungir leikarar lásu fyrir enn yngri hlustendur
feykir.is Skagafjörður, Listir og menning, Lokað efni 09.10.2025 kl. 10.00Nú í byrjun október fékk bókasafnið við Faxatorg á Sauðárkróki góða heimsókn en þá mættu tveir galvaskir leikarar frá Leikfélagi Sauðárkróks, þau Ísak Agnarsson og Emilia Kvalvik, í heimsókn. Í frétt á heimasíðu Héraðsbókasafnsins segir að þau hafið lesið upp úr bók um snillinginn Einar Áskel fyrir börnin og tóku svo lagið með þeim á eftir. Rúmlega sextíu gestir komu til að hlusta á upplesturinn og syngja með þeim.Meira -
Leikdagur
feykir.is Skagafjörður, Íþróttir, Lokað efni 09.10.2025 kl. 09.35Önnur umferð Bónus deildar karla hefst í kvöld þegar Tindastóll tekur á móti Keflvíkingum, það eru engin frávik í kvöld, hamborgarar frá 18:30 og flautað verður til leiks á slaginu 19:15.Meira -
Ríflega 200 starfsmenn tóku þátt í Stóra sýslumannadeginum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 09.10.2025 kl. 08.23Föstudaginn 3. október sl. stóðu sýslumenn fyrir sameiginlegum vinnudegi starfsfólks embættanna. Saga sýslumanna er löng en þetta er aðeins í annað skipti sem starfsfólk allra sýslumannsembættanna kemur saman. Vinnudagurinn fór fram á Akureyri og tóku 203 starfsmenn 9 sýslumannsembætta þátt. Megináhersla var lögð á framtíðarsýn og samvinnu milli embættanna. Fulltrúar frá Háskóla Íslands stýrðu vinnustofum þar sem fjallað var um lykilþætti farsælla breytinga, forystu og mikilvægi samvinnu í umbótastarfi.Meira
