Tane Spasev ráðinn í yngriflokkaþjálfun Tindastóls
Unglingaráð körfuknattleiksdeildar Tindastóls hefur samið við makedónska körfuknattleiksþjálfarann Tane Spasev um að þjálfa í yngri flokkum Tindastóls á næsta keppnistímabili. Von er á kappanum í ágúst.
Tane er fæddur árið 1977 og verður orðinn 34 ára þegar hann gengur til liðs við Tindastól. Hann var sjálfur leikmaður til ársins 2004, lék m.a. um tíma með háskólaliðum í Bandaríkjunum, en lengstum með liðum í heimalandi sínu.
Síðan 2004 hefur hann einbeitt sér að þjálfun og rekur t.d. í dag eigin körfuboltaakademíu í Stip í Makedóníu auk þess að þjálfa víðar, en hann setti sem dæmi upp körfuboltabúðir á Írlandi um páskana.
Hjá Tindastóli mun hann þjálfa þrjá yngri flokka auk þess að sinna þjálfun í Varmahlíð einu sinni í viku. Þá mun hann sinna ýmsum öðrum verkefnum á vegum unglingaráðs og aðstoða Borce með meistaraflokkinn einnig. Tane hefur mikil og góð sambönd beggja vegna Atlantsála sem án efa eiga eftir að nýtast í körfuboltastarfinu hjá Tindastóli.
Sjá nánar á Tindastóll.is
Fleiri fréttir
-
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira
