Tap gegn spræku B-liði Keflvíkinga
Það er óhætt að fullyrða að hvergi á landinu sé staðið jafn glæsilega að körfubolta kvenna og í Keflavík. Þar virðist nánast endalaus uppspretta efnilegra körfuboltastúlkna. Lið Tindastóls heimsótti Suðurnesið í gær og mátti þola tap í Blue-höllinni. Leikurinn var þó jafn og spennandi en heimastúlkur reyndust sterkari og unnu leikinn með tíu stiga mun, 82-72.
Lið Tindastóls hóf leikinn af krafti og voru yfir, 4-9, eftir þrjár og hálfa mínútu. Þá skelltu heimastúlkur í lás og náðu 10-0 kafla og náðu þar með yfirhöndinni í leiknum og héldu forystunni til leiksloka. Staðan að loknum fyrsta leikhluta var 22-17 og munurinn var jafnan 5-10 stig framan af öðrum leikhluta. Stólastúlkur voru að sjálfsögðu ekkert á þeim buxunum að gefast upp og Telma Ösp minnkaði muninn í þrjú stig, 35-32, þegar rúm mínúta var til leikhlés en þristur frá Söru Lind í liði heimastúlkna sá til þess að sex stigum munaði í hálfleik. Staðan 38-32.
Fyrstu mínútur síðari hálfleiks var allt stál í stál og jafnan munaði 3-5 stigum. Tess setti niður tvö víti og staðan var 43-40 þegar þrjár og hálf var liðin af þriðja leikhluta og Marín Lind gerði fjögur stig á skömmum tíma og minnkaði aftur í þrjú stig, 51-48, þegar þrjár mínútur voru eftir af leikhlutanum. Þá tóku Keflvíkingar leikhlé og réðu ráðum sínum og náðu í kjölfarið 11-0 kafla sem gerði út um leikinn. Staðan var 59-48 fyrir fjórða leikhluta og mest náðu heimastúlkur 14 stiga forystu. Stólastúlkur náðu að minnka muninn í sjö stig, 75-68, með körfu frá Telmu Ösp þegar tæpar tvær mínútur voru eftir en nær komust þær ekki og lið Keflavíkur fór því með sigur af hólmi.
Tess Williams var best að vanda með 35 stig og níu fráköst. Telma Ösp var með 12 stig og tíu fráköst og Marín Lind gerði ellefu stig og fékk að venju fimm villur ;o). Í liði Keflvíkinga voru Anna Ingunn og Eydís Eva bestar með 21 stig hvor. Liðin voru ekki í stuði fyrir utan 3ja stiga línuna, Keflvíkingar settu niður 5 í 32 skotum en lið Tindastóls 3 í 15.
Næstkomandi laugardag kemur lið Njarðvíkur í heimsókn og hefst leikurinn kl. 16:00. Liði Njarðvíkur var spáð efsta sæti í 1. deild af þjálfurum, fyrirliðum og formönnum liðanna sem þátt taka í deildinni. Liði Tindastóls var spáð þriðja sæti en Keflavík b því fimmta. Það getur allt gerst í körfunni. Áfram Tindastóll!
Fleiri fréttir
-
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.