Tap í fyrsta æfingaleik eftir kófpásu
Stólastúlkur halda áfram að undirbúa sig fyrir komandi átök í Pepsi Max deildinni. Eftir þriggja vikna kófpásu hófust æfingar á fullu nú í vikunni og í dag fengu stelpurnar spræka Seltirninga í heimsókn en lið Gróttu spilar í 1. deildinni. Þær reyndust engu að síður sterkara liðið í dag og unnu sanngjarnan 1-3 sigur.
Lið Tindastóls varð fyrir tvöföldu áfalli á fyrstu tíu mínútum leiksins því fyrst þurfti hershöfðinginn Bryndís Rut að fara meidd af velli og skömmu síðar fylgdi Jackie í kjölfarið. Tveir af máttarstólpum liðsins því úr leik, þó meiðsli þeirra hafi sem betur fer ekki virst alvarleg. Fátt var um færi framan af en ákafinn í liði Tindastóls var of mikill í fyrri hálfleik og lítil þolinmæði til að láta boltann ganga. Það hlýtur að vera stefnan að liðið læri að halda boltanum. Grótta komst yfir eftir laglega skyndisókn upp vinstri kantinn, sendu fyrir og boltinn afgreiddur glæsilega í markið, óverjandi fyrir Amber í markinu. Staðan 0-1 í hálfleik.
Í síðari hálfleik reyndi lið Tindastóls að halda boltanum betur en Seltirningar voru stórhættulegar í sínum sóknaraðgerðum, náðu að senda bolta inn fyrir vörn Stólanna trekk í trekk og sköpuðu sér ágæt færi. Þær bættu tveimur mörkum við en á lokakaflanum fékk Mur eitt eða tvo góð færi en það var síðan Hugrún sem klóraði í bakkann með ágætu marki eftir að lið Tindastóls vann boltann framarlega á vellinum.
Svekkjandi tap en Stólastúlkur virkuðu þungar í rigningunni og það gekk alls ekki nógu vel að halda í boltann. Sem stendur virkar lið Tindastóls ansi þunnskipað fyrir átökin í sumar, hópurinn var tvímælalaust breiðari í fyrra, og það hlýtur að vera markmiðið að styrkja hópinn enn frekar. Það er í það minnsta kristaltært að Pepsi Max deildin er sterkari en Lengjudeildin!
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.