"Það er enginn að reka svona til að verða ríkur á því"
Hjónin Bára Jónsdóttir og Sigurbjörn Björnsson hafa ásamt Guðbrandi Guðbrandssyni rekið Króksbíó á Sauðárkróki í tíu ár. Í rekstrinum felst einnig húsvarsla vegna annarra viðburða í félagsheimilinu Bifröst, en þar er Króksbíó til húsa. Þremenningarnir í Króksbíó eru í opnuviðtali Feykis í dag.
Það er ekki gróðavon heldur hugsjón og áhugi á menningu og mannlífi sem knýr starfsemina áfram, enda eiga þau þremenningarnir það sammerkt að þeim er annt um þennan ómissandi þátt í menningarlífi héraðsins.
Í viðtalinu segist Sigurbjörn ekki eiga sér neina uppáhaldsmynd en nefnir þó Lion King eftir dálitla umhugsun. „Það er sú mynd sem ég hef sýnt fyrir flesta frá því ég byrjaði. Ég var álitinn alveg genginn af göflunum þegar ég auglýsti hana kl. Um kvöld í sæluviku með ensku tali. En ég fékk rúmlega sjötíu manns á hana. Hún stendur alltaf fyrir sínu, sú mynd.“
Í ljós kemur að hann hefur líka dálæti á þeirri sígildu mynd Hver skellti skuldinni á Kalla kanínu? „Þá hét vinur minn því að hann færi aldrei aftur með mér í bíó, þegar hann fór með mér á þá mynd. Það voru frekar fáir í salnum og það var ekki nóg með það að ég færi að hlæja, heldur hló ég líka á vitlausum stöðum. „Þú gerir það alltaf,“ grípur Guðbrandur inní. „Og hlærð ekkert voðalega lágt, það undirtekur í öllum salnum,“ hnýtir Bára aftan við.
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
