Það eru forréttindi að búa í Skagafirði | Sigurður Bjarni Rafnsson skrifar
Það eru forréttindi að búa í Skagafirði – það segi ég af eigin reynslu. Við fluttum hingað ég og hún Ingibjörg mín árið 2003, en hún starfar sem hjúkrunarfræðingur hjá HSN. Við vorum full væntinga um nýtt líf og ný tækifæri. Í dag, rúmum tveimur áratugum síðar, lít ég til baka með þakklæti. Hér höfum við alið upp þrjú börn sem hafa fengið að njóta þess að vaxa og dafna í öruggu og góðu samfélagi – frá leikskóla og upp úr. Hafa börnin okkar öll útskrifast hér úr framhaldsskólanum það er virkilega dýrmætt og eiginlega bara forréttindi að hafa þennan munað hér í firðinum fallega að börnin geti klárað skólagöngu sína heima.
Sjálfur hef ég fengið að taka þátt í fjölbreyttu starfi í samfélaginu. Ég var framleiðslustjóri hjá Kjötafurðastöð KS, starfaði sem slökkviliðs og sjúkraflutningamaður og meðal annars sem aðstoðarslökkviliðsstjóri. Nú starfa ég sem sláturhússtjóri hjá KS. Samhliða því hef ég tekið virkan þátt í félagslífi – verið í stjórn skíðadeildar Tindastóls, þar af formaður í 18 ár. Einnig komum við hjónin að endurreisn júdódeildarinnar ásamt því að hjálpa til þegar svo bar undir með öðrum deildum Tindastóls eða UMSS. Þá hef ég verið virkur Lions félagi, fengið að spreyta mig með Leikfélagi Sauðárkróks og margt fleira mætti telja.
Ég hef einnig tekið virkan þátt í sveitarstjórnarstörfum, meðal annars sem varaformaður Atvinnu- og kynningarnefndar og formaður Félags- og tómstundanefndar. Auk þess hef ég verið stjórnarformaður Náttúrustofu Norðurlands vestra sl. fjögur ár.
það er alls ekki sjálfgefið að maður fái tækifæri á að upplifa og prufa þetta allt sem ég hef talið hér upp, en það er ég viss um að ef við hefðum ekki valið Skagafjörðinn til að setjast að í, þá hefði ég ekki fengið tækifæri á að upplifa alla þessa hluti. Því segi ég aftur, það eru forréttindi að búa í Skagafirði þar sem Framsóknar hjartað slær.
Allt þetta hefur gefið mér dýrmæta innsýn í það hvað gerir samfélag sterkt. Niðurstaðan er einföld: það er fólkið, samheldnin og skýr framtíðarsýn.
Ég hef séð Skagafjörð breytast og vaxa. Sveitarfélagið hefur orðið fallegra, öflugra og betra með hverju árinu sem líður. Hér er metnaður fyrir því að gera gott enn betra – og ég er ekki frá því að veðrið hafi jafnvel lagast með árunum!
En slíkur árangur gerist ekki af sjálfu sér. Hann byggir á markvissri vinnu, ábyrgri stefnu og sterkri forystu. Ég tel að sú þróun sem við höfum séð, sé til marks um góða stjórnun og skýra sýn til framtíðar hjá þeim sem hafa stjórnað.
Við sem búum hér vitum hvað við höfum – og við viljum halda áfram á sömu braut. Við viljum áframhaldandi uppbyggingu, sterka innviði og gott samfélag fyrir komandi kynslóðir.
Í dag skipa ég 7. sæti á lista Framsóknar í komandi kosningum og er ég tilbúinn að vinna áfram fyrir ykkur kæru kjósendur.
Þess vegna hvet ég ykkur til að nýta atkvæðisrétt ykkar og veita okkur umboð til að stuðla að áframhaldandi velferð, ábyrgri fjármálastjórn og stuðla að auknum framförum í Skagafirði.
Setjum X við B – fyrir enn þá betri Skagafjörð.
Sigurður Bjarni Rafnsson,
skipar 7. sæti á lista Framsóknar í Skagafirði
Fleiri fréttir
-
LM2026 og HorseDay innsigla samstarf sumarsins
feykir.is Skagafjörður, Íþróttir, Mannlíf, Lokað efni 21.04.2026 kl. 15.40Það styttist í landsmótið á Hólum en það verður haldið 5. – 11. júlí. Eitt af því sem er nauðsynlegt á nútímamótum er miðlun upplýsinga en þar kemur HorseDay sterkt inn. Smáforritið HorseDay hefur verið í mikilli þróun síðustu árin og sér HorseDay alfarið um niðurstöður hestamóta hérlendis. HorseDay hefur tekið við af gömlu góðu Landsmótskránni sem ekki er lengur gefin út á prenti en í smáforritinu er hægt að finna allar upplýsingar um landsmótið á einum stað. Síðan er skemmtilegur möguleiki að áhorfendur geta tekið beinan þátt með því að gefa einkunnir í forritinu og borið saman við einkunnir dómara.Meira -
Undanúrslitin í körfunni hefjast í Síkinu í kvöld
feykir.is Skagafjörður, Íþróttir 21.04.2026 kl. 14.43Undanúrslitin í Bónus deild karla í körfubolta hefjast í kvöld þegar Íslandsmeistarar Stjörnunnar heimsækja Síkið. Þar bíða eftir þeim úthvíldir Tindastólsmenn og væntanlega klikkuð stemning. Partýtjaldið tekur á móti gestum frá kl. 17:00 í dag en þá er gert ráð fyrir vægri vestanátt, sólskini og tíu stiga hita – en hann verður örugglega miklu meiri í tjaldinu. Leikurinn hefst svo kl. 19:15 en húsið verður opnað kl. 18:00.Meira -
Húnaþing vestra | Hátíðahöld á sumardaginn fyrsta 2026
feykir.is Vestur-Húnavatnssýsla, Mannlíf, Lokað efni 21.04.2026 kl. 11.15Á vef Húnaþings vestra má lesa: „Allt frá árinu 1957 hefur sumardagurinn fyrsti verið haldinn hátíðlegur í Húnaþingi vestra. Upphaflega var hátíðin haldin til fjáröflunar Fegrunarfélagsins fyrir gróðursetningu í sjúkrahúsgarðinum á Hvammstanga. Í dag er sá garður orðinn stór og þéttur skógur. Þó hátíðin hafi ekki verið með nákvæmlega sama sniði öll þessi ár hefur Vetur konungur þó alltaf afhent Sumardísinni veldissprotann og hafa þau verið klædd í búningana sem forvígiskonur hátíðarinnar saumuðu. Frá upphafi og til ársins 2022 hélt Ingibjörg Pálsdóttir (Lilla) utan um hátíðarhöldin með aðstoð fjölskyldu sinnar og ýmissa félagasamtaka. Í ár ákvað starfsmannafélag leikskólans að taka þetta að sér og viljum við þakka þeim innilega fyrir að viðhalda þessum flotta og rótgróna viðburði í samfélaginu okkar.Meira -
Fornverkaskólinn í Skagafirði hlýtur virtustu minjaverndarverðlaun Evrópu
feykir.is Skagafjörður, Listir og menning 21.04.2026 kl. 10.19Fornverkaskólinn í Skagafirði hefur hlotið Evrópsku minjaverndarverðlaunin / Europa Nostra Awards 2026, sem eru virtustu minjaverndarverðlaun Evrópu. Verðlaunin eru veitt af framkvæmdastjórn Evrópusambandsins og Europa Nostra með stuðningi úr Menningaráætlun ESB. Að þessu sinni hlutu 30 verkefni frá 18 löndum viðurkenningu, en alls barst 261 umsókn frá 40 löndum.Meira
