Þjóðaratkvæðagreiðslan 29. ágúst
Þjóðaratkvæðagreiðsla um hvort Ísland eigi að hefja á ný aðildarviðræður við Evrópusambandið fer fram á morgun, laugardaginn 29. ágúst. Landskjörstjórn hefur birt auglýsingu um framkvæmdina og er atkvæðagreiðslan ráðgefandi samkvæmt kosningalögum. Kjósendur með kosningarrétt til Alþingis og forsetakjörs geta tekið þátt, og hófst utankjörfundaratkvæðagreiðsla 27. júlí.
Í þjóðaratkvæðagreiðslunni svara kjósendur einni spurningu með því að merkja X við já eða nei: „Á Ísland að hefja á ný aðildarviðræður við Evrópusambandið?“
Kjörfundir í Húnavatnssýslum vegna þjóðaratkvæðagreiðslunnar á laugardaginn eru sem hér segir:
- Kjörfundur í Húnaþingi vestra verður í Félagsheimilinu á Hvammstanga frá kl. 9:00 til 22:00. Framvísa ber skilríkjum sé þess óskað.
- Kjörfundur í Húnabyggð verður í norðursal Íþróttamiðstöðvarinnar á Blönduósi. frá kl. 9:00 til 22:00. Kjósendur eru minntir á að hafa persónuskilríki sín tiltæk á kjörstað.
- Kjörfundur í Sveitarfélaginu Skagaströnd verður í félagsheimilinu Fellsborg fráklukkan 9:00 til 21:00. Framvísa ber skilríkjum sé þess óskað.
Kjörfundir í Skagafirði vegna þjóðaratkvæðagreiðslunnar á laugardaginn eru sem hér segir:
- Kjördeild í Bóknámshúsi FNV á Sauðárkróki; þar kjósa íbúar Sauðárkróks og fyrrum Skarðs-, Rípur- og Skefilsstaðahreppa– kjörfundur hefst kl. 09:00.
- Kjördeild í Grunnskólanum austan Vatna á Hofsósi; þar kjósa íbúar fyrrum Hofs-,Fljóta-, Hóla- og Viðvíkurhreppa– kjörfundur hefst kl. 10:00.
- Kjördeild í Varmahlíðarskóla; þar kjósa íbúar fyrrum Staðar–, Seylu-, Akra- og Lýtingstaðahreppa – kjörfundur hefst kl. 10:00.
Kjósa má hjá sýslumönnum innanlands og í sendiráðum og hjá kjörræðismönnum erlendis. Á kjördag greiða kjósendur atkvæði í sínu sveitarfélagi. Nánari upplýsingar um kjörstaði, kosningarétt og framkvæmd má finna á www.island.is og um þjóðaratkvæðagreiðsluna á www.thjodaratkvaedi.is.
Fleiri fréttir
-
Tilkynning | Íbúar í Varmahlíð beðnir um að fara sparlega með vatnið
feykir.is Skagafjörður, Fréttir 28.08.2026 kl. 09.15Sú sérstaka staða er komin upp að vatnskortur er víða í Skagafirði. Sérstaklega á þetta við um Varmahlíð. Af þessu tilefni hafa Skagafjarðarveitur sent frá sér eftirfarandi tilkynningu:Meira -
Ade Murkey gengur til liðs við Tindastól
feykir.is Skagafjörður, Íþróttir, Lokað efni 27.08.2026 kl. 15.00Tindastóll kynnir nýjan leikmann í Körfunni. Það er Ade Murkey, sem er áhorfendum Bónus deildarinnar vel kunnugur en hann spilaði með Álftanesi á síðasta tímabili. Murkey var með 23.3 stig, 7.7 fráköst og 2.9 stoðsendingar að meðaltali í 14 leikjum fyrir Álftanes.Meira -
Saman eflum við börnin okkar | Álfhildur Leifsdóttir skrifar
feykir.is Skagafjörður, Aðsendar greinar 27.08.2026 kl. 12.30Nýtt skólaár er spennandi tími fyrir börnin okkar en tilfinningarnar geta verið misjafnar. Sum mæta full tilhlökkunar, önnur með smá hnút í maganum og mörg einhvers staðar mitt á milli. Nemendur mæta til náms með ólíkar þarfir, styrkleika og reynslu og er það verkefni skólanna að skapa þeim öruggt og hvetjandi námsumhverfi með fjölbreyttum tækifærum til að vaxa og þroskast. Þó að skólinn gegni stóru hlutverki í lífi barna og ungmenna stendur hann ekki einn að þessu verkefni. Menntun og uppeldi barna er alltaf sameiginlegt verkefni heimilis og skóla.Meira -
100 ára vígsluafmæli Mælifellskirkju | Tímamóta minnst í sól og blíðu
feykir.is Skagafjörður, Mannlíf, Lokað efni 27.08.2026 kl. 11.45Sunnudaginn 23. ágúst var sérstök hátíðarmessa í Mælifellskirkju þar sem minnst var 100 ára vígsluafmælis. Afmælið var reyndar í fyrra en vegna þess að miklar endurbætur stóðu yfir í og við kirkjugarðinn var hátíðarhöldum frestað þar til nú. Þessu endurbótum er nú að mestu lokið og er mikill sómi að.Meira
