Þrír leikir við Njarðvíkinga í dag
Körfuknattleiksdeild Tindastóls leikur þrjá leiki við Njarðvíkinga í dag, þ.e. meistaraflokkur í Dominos deildinni, 11. flokkur drengja undanúrslitaleik í Bikarkeppni KKÍ og unglingaflokkur tekst á við Njarðvík í Íslandsmóti unglingaflokks karla.
Meistaraflokkurinn tekur á móti liði Njarðvíkur í Síkinu kl. 19:15 en samkvæmt heimasíðu Tindastóls er um mjög mikilvægan leik að ræða. Yfir stendur hatrömm barátta um síðasta lausa sætið í úrslitakeppninni og til að halda þeirri baráttu lifandi, verða strákarnir að leggja Njarðvíkinga að velli í kvöld.
„Njarðvíkingar eru heitasta liðið í deildinni í dag, hafa unnið fjóra leiki í röð, þar af Stjörnuna á útivelli og KR-inga heima. Þeir hafa komið sér vel fyrir í 7. sætinu og eygja jafnvel möguleika á sæti ofar fyrir úrslitakeppni. Tindastólsmenn voru nánast klaufar að klára ekki leikinn gegn Þór á föstudaginn og hafa sýnt mikla baráttu í undanförnum leikjum. Þessi leikur er afar mikilvægur og engin ástæða til annars en að hvetja fólk til að koma í Síkið og hvetja strákana áfram,“ segir á heimasíðunni.
11. flokkur drengja spilar við Njarðvíkinga í undanúrslitaleik í Bikarkeppni KKÍ kl. 16 en samkvæmt heimasíðu Tindastóls lögðu strákarnir Fjölni á dögunum í 8-liða úrslitum í mjög góðum leik og eru til alls líklegir gegn sterku liði Njarðvíkinga. Bikarúrslitin fara fram um næstu helgi og því hver að verða síðastur að spila undanúrslitaleiki.
Á eftir meistaraflokksleiknum, eða um kl. 21:15, tekur Tindastóll á móti Njarðvík í Íslandsmóti unglingaflokks karla. Njarðvíkingar eru ósigraðir í A-riðli, hafa unnið alla 8 leiki sína. Tindastóll er í 2. sæti í riðlinum.
Dagskráin dagsins verður því svona:
- Kl. 16:00 Tindastóll - Njarðvík, undanúrslit í bikar.
- Kl. 19:15 Tindastóll - Njarðvík í Domino's deildinni
- Kl. 21:15 Tindastóll - Njarðvík í Íslandsmóti unglingaflokks karla
Fleiri fréttir
-
Grindhvalur fannst á óvæntum slóðum
feykir.is Skagafjörður, Lokað efni 21.09.2025 kl. 20.51Feykir fékk á föstudagskvöldið upphringingu þar sem tilkynnt var um óvanalegan hvalreka og myndir af hvalnum fylgdu í kjölfarið. Umsvifalaust var send fyrirspurn á Náttúrustofu Norðurlands vestra og það kom í ljós að þar vissu menn um hvalrekann en um var að ræða grindhval sem þótti svo sem ekki heyra til tíðinda. Það sem kom þó á óvart var staðsetningin.Meira -
Kotasæluvefja og baunapylsur | Feykir mælir með
feykir.is Skagafjörður, Í matinn er þetta helst, Lokað efni 21.09.2025 kl. 14.05Í tbl. 23 á þessu ári var Feykir að mæla með tveimur girnilegum uppskriftum frá vinkonu okkar Berglindi Hreiðarsdóttur sem er með heimasíðuna Gotteri og gersemar. Var á þeim tíma ekki búin að prufukeyra þá og er ekki enn.... en það hlítur að styttast í að ég gefi mér tíma í það enda virka þeir auðveldir í framkvæmd og efast ekki um að þeir eigi eftir að vera bragðgóðir.Meira -
Örnám, einstakt tækifæri | Aðsend grein
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.09.2025 kl. 12.33Þann 15. september komu saman rektor Háskólans á Hólum ásamt deildarstjórum, prófessor, gæðastjóra og kennslustjóra með fulltrúum Háskólafélags Suðurlands, SASS og atvinnugreinum á Suðurlandi til vinnufundar um samstarf á nýrri nálgun í háskólamenntun, þróun örnáms á háskólastigi.Meira -
Stólastúlkur í erfiðum málum í Bestu deildinni
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 20.09.2025 kl. 19.16Lokaumferðin í hefðbundinni deildarkeppni í Bestu deild kvenna var spiluð í dag og það var sterkt lið FH sem kom á Krókinn þar sem lið Tindastóls beið þess. Hlutskipti liðanna er ólíkt; Stólastúlkur í bullandi fallbaráttu en lið FH að reyna að halda spennu í toppbaráttunni. Gæðamunurinn kom fljótt í ljós í leiknum og lið Hafnfirðinga vann öruggan 0-4 sigur.Meira -
Drangey – smábátafélag Skagafjarðar sendir frá sér átta ályktanir
feykir.is Skagafjörður 20.09.2025 kl. 18.48Þann 17. september fór fram aðalfundur Drangeyjar – smábátafélags Skagafjarðar og sendi fundurinn frá átta ályktanir. Þannig skora smábátasjómenn á stjórnvöld að endurskoða tafarlaust veiðiheimildir með dragnót upp í fjörur í fjörðum og flóum hér Norðanlands. Þá lagði fundurinn áherslu á að byggðakvóta í Skagafirði verði einungis úthlutað til dagróðrabáta sem eru minni en 30 brt. Lesa má um ályktanir aðalfundsins í fréttinni.Meira
