Þröstur Kárason á leið í EuroSkills Budapest 2018
Dagana 26. til 28. september nk. mætast í Búdapest, höfuðborg Ungverjalands, hæfileikaríkustu ungmenni Evrópu sem unnið hafa þátttökurétt í sínum heimalöndum á sviði iðngreina og reyna með sér í EuroSkills Budapest 2018. Íslensku þátttakendurnir eru átta talsins og eiga það sameiginlegt að hafa staðið uppi sem sigurvegarar á Íslandsmóti iðngreina sem fram fór í mars 2017. Tveir Skagfirðingar eru á meðal þátttakenda, Kristinn Gísli Jónsson matreiðslunemi og Þröstur Kárason, nýútskrifaður smiður.
Feykir hitti Þröst á dögunum, ásamt Atla Má Óskarsson, tréiðnakennara og þjálfara Þrastar, og Indriða Ragnar Grétarsson, trésmið og sölumann hjá Versluninni Eyri sem sá um að útvega verkfæri fyrir verkefnið, og forvitnaðist um þetta ævintýri.
Í framhaldi af Íslandsmóti iðngreina árið 2017 ákvað Iðnmennt, sem er félag iðnmenntaskóla á Íslandi, að senda keppendur á Evrópumót iðnnema í Búdapest og verður Þröstur þar á meðal 600 annarra keppenda.
Atli Már, Þröstur og Indriði við smíðastykki sem Þröstur hefur verið að æfa sig á. Mynd: PF
Atli Már Óskarsson, deildarstjóri tréiðna hjá FNV, segir að skólinn og starfsmenn hans hafi ákveðið að aðstoða Þröst en það sé Iðan fræðasetur sem heldur utan um smíðahlutann. „Þar sem við erum meðlimir þar var ákveðið að ég færi sem þjálfari og dómari í keppninni þannig að okkur var gefin kostur á að þjálfa Þröst hérna. Iðnmennt og Iðan töluðu við heimamenn um styrki til að gera okkur kleift að gera þetta og það varð úr að Kaupfélag Skagfirðinga styrkir verkefnið veglega í verkfærum og öðru líkt og fyrirtækið Ísól sem skaffar einnig verkfæri sem Iða kemur til með að eiga áfram upp á fleiri keppnir,“ segir Atli.
„Mér líst bara þokkalega á þetta. Þetta er mjög mikill heiður fyrir mig og skemmtilegt að fara í svo stóran viðburð erlendis,“ segir Þröstur.
Í Feyki sem kom út í gær er viðtal við þá Þröst og Atla Má sem segja frá keppninni og undirbúningnum auk þess sem Indriði Ragnar Grétarsson segir frá aðkomu Verslunarinnar Eyri með aðstoð og styrki.
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.