Þuríður Harpa bloggar um frábæra skíðahelgi
Ég er alveg í skýjunum eftir frábæra skíðahelgi með fullt af frábæru fólki bæði hreyfihömluðu og óhömluðu. Ég vissi ekki hvað ég var að fara út í á föstudag þegar ég brunaði með dóttlu inn á Akureyri, helginni átti að verja á Byskíði sem er nokkurskonar skíðasleði á 2 skíðum og svo eru 2 handskíði til að stjórna með, þeir sem eru lengra komnir og flínkari fara á svokölluð Monoskíði sem er hærra sæti og eitt skíði. Það eru mörg ár síðan ég renndi mér í snjó síðast en eftir þetta námskeið ætla ég örugglega að mæta þarna aftur. Það er fátt sem skyggir á gleði mína varðandi þessa helgi, varla að hægt sé að nöldra yfir veðrinu sem hefði þó mátt vera betra í dag sunnudag en Hlíðarfjall var lokað í dag vegna veðurs og því varð ekkert af skíðeríi. Vetraríþróttamiðstöð Íslands stendur fyrir skíðakennslunni, á þessu námskeiði vorum við 10 stk. á skíðasleðum og með hverjum voru einn eða fleiri leiðbeinendur. Að kennslunni var vel staðið og fékk ég heilmikið út úr þessari helgi. Það er líka verulega upplífgandi að sjá að ekkert er ómögulegt, fólkið sem að þessum námskeiðum stendur á sannkallað hrós skilið, bæði kennarar og sjálfboðaliðar. Ég hvet fólk til að hafa samband við Hlíðarfjall ef það langar að prófa að fara á skíðabúnaðinn, þar eru starfandi frábærir leiðbeinendur sem kenna fólki á þetta allt saman. Ég vildi að ég hefði farið miklu fyrr í þetta og svo var svo gaman að hitta fólkið sem var þarna líka að fara á skíði. Ég var afskaplega heppin með náttstað en við gistum á Skjaldarvík sem er staðsett rétt fyrir utan Akureyri. Skjaldarvík er best útbúið hótel/gistiheimili sem ég hef verið á hér á Íslandi. Þarna er gott að komast inn og nóg af bílastæðum, allt á einni hæð og engin þrengsli. Hurðar allar vel breiðar og herbergi rúmgóð, rúm mættu vera lægri þannig að auðveldara sé að fara úr hjólastól og yfir í rúm en alveg himneskt að sofa þarna eftir dag á skíðum. Baðherbergi eru á ganginum amk. 2 – 3 á hverjum gangi, stór og með fínu aðgengi í sturtu. Salerni eru öll með handstoðum, eina sem vantar er sturtustóll á hjólum svo maður geti auðveldlega rúllað sér í sturtuna. Gestgjafar á Skjaldarvík eru sérlega notaleg hjón og morgunverðurinn algjört æði.
Allavega við erum komnar heim mæðgurnar eftir frábæra helgi og erum strax farnar að hlakka til næstu ferðar.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
