Tillögur um lækkun húshitunarkostnaðar
Í gær flutti Einar K Guðfinnsson á Alþingi ásamt 14 öðrum þingmönnum úr fjórum stjórnmálaflokkum þingsályktunartillögu um að sett verði á laggirnar nefnd sem móti tillögur um lækkun húshitunarkostnaðar. -Fyrir þessu eru margvísleg rök sem eru tíunduð í greinargerðinni, segir Einar.
-Við vitum að húshitunarkostnaður er orðinn mjög íþyngjandi á mörgum landssvæðum. Þetta hefur mjög verið að versna á undanförnum árum og á innan við áratug hefur kostnaðurinn aukist um allt að 72% á föstu verðlagi í dreifbýli. Þetta er auðvitað gjörsamlega óboðlegt og himinhrópandi óréttlæti. Þetta skapar svo mikið ójafnræði í þjóðfélaginu að við getum ekki hreinlega við þetta unað. Við verðum að breyta þessu, segir Einar.
-Stundum hefur okkur gengið þokkalega við að ná í fjármagn til þess að lækka húshitunarkostnaðinn og stundum illa og nú síðustu árin hafa fjárveitingar farið mjög lækkandi. Núna með versnandi lífskjörum er þessi kostnaðurinn bókstaflega farinn að sliga fólk. Það eru til dæmi um fólk sem ræður hreinlega ekki við þennan kostnaðarlið en getur svo ekki minnkað við sig húsnæði af mörgum ástæðum. Fólk er með öðrum orðum komið í algjöran vítahring.
Einar telur þetta vera mikið réttlætismál sem eigi að hefja upp úr dægurþrasinu eða pólitísku þrasi. -Við eigum að skapa um málið þverpólitíska samstöðu og koma því í einhvern varanlegan farveg svo við þurfum ekki stöðugt að heyja þessa varnarbaráttu um svona sjálfsagt mál. Þess vegna er lagt til að nefndin sem um þessi mál fjalli sé þverpólitísk og verði líka skipuð fulltrúum orkufyrirtækja og sveitarfélaga.
Miðað við það hversu góðar viðtökur málið fékk, þegar Einar leitaði eftir meðflutningsmönnum og sú staðreynd að nær fjórðungur þingmanna, fólk úr Sjálfstæðisflokki, Framsóknarflokki, Vinstri grænum og Samfylkingu segir hann að það auki honum bjartsýni að menn fari í þessi verk.
Sjá þingsályktunartillögu HÉR
Fleiri fréttir
-
Þurfum ekki neitt
feykir.is Skagafjörður, Listir og menning 21.07.2025 kl. 10.45Í sumar hafa Una Torfa og Hafsteinn Þráinsson, einnig þekktur sem CeaseTone, verið á músíkkölsku ferðalagi. Parið hefur marga músíkfjöruna sopið, þau hafa flakkað um landið og flutt lög í stórum sölum og litlum kirkjum, fyrir fólk á öllum aldri á blíðviðriskvöldum og í óveðri. Núna er komið að Sauðárkrókskirkju í kvöld,21 júli, kl: 20.00Meira -
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira
