Tindastóll beið lægri hlut gegn Ísfirðingum
Lið Tindastóls sótti KFÍ heim á Ísafjörð á föstudaginn og þrátt fyrir að tefla fram splunkunýjum leikmanni höfðu strákarnir ekki erindi sem erfiði og töpuðu á endanum með sjö stiga mun, 92-85.
Stólarnir fóru vel af stað og ekki hvað síst sá nýji, Roburt Sallie, sem gerði fyrstu sex stig liðsins. Leikurinn var hnífjafn í fyrsta leikhluta og leiddu Tindastólsmenn með einu stigi að honum loknum, 22-23. Heimamenn byrjuðu annan leikhluta með tveimur 3ja stiga körfum og náðu forystunni. Stólarnir þéttu vörnina og um miðjan leikhlutann jafnaði Helgi Rafn, 31-31, og síðan var stál í stál fram að hléi en þá var staðan jöfn, 41-41.
Tindastólsmenn komu ekki nógu ákveðnir til leiks í síðari hálfleik og á mínútu kafla breyttist staðan úr 46-45 í 55-45 og heimamenn komnir með 10 stiga forskot. Stólarnir reyndu að koma sér inn í leikinn en skotinn voru ekki að detta þannig að KFÍ bætti við og náði 14 stiga forskoti þegar tvær mínútur lifðu af þriðja fjórðungi. Valentine og Sallie gerðu hins vegar sex síðustu stigin í leikhlutanum og gáfu gestunum smá von. Staðan 66-58.
Svabbi gerði 5 stig í upphafi fjórða og Arnar setti niður þrist og minnkaði muninn í 70-66 þegar um sjö og hálf mínúta var eftir af leiknum en heimamenn reyndust sterkari í leiknum, þeir komu muninum aftur í 10 stig og héldu út til leiksloka nokkuð öruggt. Lokatölur 92-85.
Pitts var sterkur í liði KFÍ, gerði 33 stig í leiknum, og þá gerði Kristján Pétur Andrésson 20 stig og þar af 18 úr 3ja stiga skotum. Ísfirðingar spiluðu góða vörn gegn Stólunum og gekk okkur illa að skora innan teigs, sérstaklega átti Valentine erfitt uppdráttar. Sallie gerði 24 stig fyrir Stólana og tók 13 fráköst en stigahæstur hjá Tindastóli var Þröstur Leó sem setti niður fimm þrista í sjö tilraunum og endaði með 25 stig.
Næsti leikur Tindastóls er gegn Fjölni hér heima næstkomandi föstudag. Feykir hvetur stuðningsmenn Stólanna til að fjölmenna því nú verða menn að fara að hala inn stig ef ekki á illa að fara. Áfram Tindastóll!
Stig Tindastóls: Þröstur Leó 25, Roburt Sallie 24 / 13 frk, Valentine 12 / 11 frk, Helgi Rafn 10, Svabbi5, Pétur Rúnar 3, Arnar 3 og Helgi Margeirs 3.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
