Tindastóll - Hamar Í kvöld
Tindastóll tekur á móti Hamarsmönnum í Lengjubikarnum í kvöld fimmtudag og hefst leikurinn kl. 19.15. Sigurvegarinn leikur síðan gegn Keflavík á útivelli í 8-liða úrslitum um næstu helgi.
Bikarkeppni þessi, sem undanfarin á hefur heitrið Powerade-bikarinn, kemur til með að heita Lengjubikarinn næstu þrjú árin. Þetta er opinber keppni á vegum KKÍ, sem leikin er á undirbúningstímabili í aðdraganda Íslandsmótsins sem hefst 7. október.
Án efa verður um hörkuleik að ræða og mikilvægt fyrir Borce og strákana að sigra og komast þannig áfram í keppninni og fá fleiri leiki út úr henni.
Þeir sem börðu leik Tindastóls og Þórs augum í gærkvöldi sáu að miklar breytingar hafa orðið á leikmannahópi Tindastóls og má segja að ný kynslóð leikmanna sé farin að stíga á sviðið. Svavar Atli hefur lagt skóna á hilluna og Axel farin til náms í Kaupmannahöfn, auk þess sem liðið hefur misst þá Sigmar Loga, Sveinbjörn og Sigurð Gunnar og þá eru ótaldir þeir erlendu leikmenn sem voru hjá liðinu á siðasta tímabili. Ungir og upprennandi leikmenn koma nú til með að spila stærra hlutverk og áformað er að þrír erlendir leikmenn spili með liðinu í vetur.
Leikurinn hefst á gamla góða tímanum kl. 19.15 en fyrir þá sem ekki komast á leikinn má benda á að hann verður í beinni tölfræðilýsingu í gegn um heimasíðu KKÍ.
Þess má geta að allir iðkendur körfuknattleiksdeildar fá frítt inn á leiki meistaraflokks í vetur.
/Tindastíll.is
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.