Tindastóll í undanúrslitum á morgun
Á morgun keppir Tindastóll í undanúrslitum Powerade-bikarsins við KR-inga í DHL-höllinni og hefst leikurinn kl. 16.00. Fyrir þá sem heima sitja, verður leikurinn sýndur í beinni útsendingu á RUV. Tindastóll hefur þrisvar sinnum komist í undanúrslitin; 1993, 1999 og 2002, en aldrei náð í úrslitaleikinn sjálfan.
Í liðinu í dag leika fjórir leikmenn sem allir hafa spilað undanúrslitaleiki með Tindastóli, en það eru þeir Svavar Atli Birgisson, Helgi Rafn Viggóss, Helgi Freyr Margeirsson og Friðrik Hreinsson.
KR-ingar eru með gríðarlega sterkt lið. Þeir spila afar hraðan leik og hafa gott jafnvægi í sínu liði þegar kemur að stigaskori innan og utan vítateigs. Í liðinu er m.a. einn allra besti leikmaðurinn á Íslandi í dag, Pavel Ermolinskij sem á dögunum var valinn besti leikmaður Iceland Express deildarinnar á fyrri hluta tímabilsins.
Marcus Walker er gríðarlega fljótur leikmaður, sem keyrir upp hraðar sóknir KR-inga og er oftar en ekki langfyrstur þeirra fram völlinn. Þennan hraða leikmannsins hafa KR-ingar notfært sér afar vel í vetur og liðið hefur skorað flest stig allra liða í IEX-deildinni, eða 97.8 að meðaltali.
Brynjar Þór Björnsson er hreint magnaður skotmaður þegar hann dettur í gírinn og getur á skömmum tíma raðað niður stigunum. Hreggviður Magnússon spilar einnig stórt hlutverk hjá liðinu. Skarphéðin Frey Ingason kannast Skagfirðingar vel við, en hjá Tindastóli steig hann sín fyrstu skref í körfunni hér um árið.
Þá hafa KR-ingar eina mestu miðherjasúpu sem lið getur státað af á Íslandi í dag. Þetta eru þeir Fannar Ólafsson, Finnur Magnússon og "Kína"-Jón Orri Kristjánsson.
Hvert sem litið er hjá KR, eru afbragðsleikmenn að verki og breiddin í liðinu er góð.
Okkar menn verða að halda vel á spilunum ætli þeir sér sigur og allt veltur á varnarleiknum og því að hleypa KR-ingum ekki upp í einhverja vitleysu. Tindastóll sýndi það í fyrri hálfleiknum í deildarleik liðanna fyrir áramót í Reykjavík, að þeir geta vel strítt þeim röndóttu en til þess þarf að spila með fullri einbeitingu í 40 mínútur.
Leikurinn verður sýndur í beinni útsendingu á RUV og hefst hann kl. 16.00. Kl. 14 eigast við kvennalið KR og Hamars í undanúrslitum kvenna, sömuleiðis í beinni útsendingu, þannig að það verður körfuboltaveisla á okkar ástkæru ríkisstöð, nokkuð sem körfuboltaáhugamenn taka fagnandi og vert að þakka fyrir.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
