Tindastóll mætir KR í baráttunni um Íslandsmeistaratitilinn
Það varð ljóst í gærkvöldi hvaða lið mætir Tindastóli í úrslitarimmunni um Íslandsmeistaratitilinn í körfubolta. Þá áttust við lið KR og Njarðvíkur í oddaleik í DHL-höllinni í Vesturbænum og úr varð alveg ótrúleg viðureign þar sem KR-ingar höfðu betur eftir tvíframlengdan leik. Stólarnir mæta því KR fyrir sunnan í fyrsta leik liðanna nú á mánudagskvöld.
KR-ingar virtust ætla að stinga Njarðvíkinga af snemma leiks í gær en þeir komust í 16-0 þar sem það tók gestina sjö mínútur að skora fyrsta stig sitt í leiknum. Suðurnesjapiltarnir voru hins vegar ekkert á þeim buxunum að gefast upp, enda allt mögulegt þegar menn eru með snilling eins og Stefan Bonneau innanborðs (52 stig), og hægt og sígandi nálguðust þeir Vesturbæingana. Njarðvíkingar náðu svo sjö stiga forystu þegar tvær og hálf mínúta var eftir en lið KR, með Pavel og Craion sem bestu menn, jöfnuðu metin og tryggðu sér framlengingu. Njarðvíkingar voru hreinlega óheppnir að ná ekki að sigra í venjulegum leiktíma og sömuleiðis í fyrri framlengingunni en í þeirri síðari steig Björn Kristjánsson upp og tryggði KR-ingum sigur.
Fyrsti leikur KR og Tindastóls verður í DHL-höllinni mánudaginn 20. apríl en þar sem KR-sigraði Dominos-deildina eiga þeir heimaleikjaréttinn í viðureigninni. Annar leikur liðanna verður síðan á Króknum sumardaginn fyrsta, 23. april.
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
