Tindastóll - Njarðvík í kvöld, sýndur á Tindastóll TV
Tindastóll tekur á móti Njarðvík í síðasta leik sínum fyrir jólafrí í kvöld í Síkinu kl. 19.15. Fyrir leikinn, verður haldinn stuðningsmannafundur með ársmiðahöfum körfuknattleiksdeildar, þar sem þjálfari og stjórnarmenn munu ræða málin við stuðningsmenn. Einnig er stefnt á fyrstu útsendingu Tindastóll-TV frá leiknum.
Njarðvíkingum hefur verið lýst sem sofandi risum þetta tímabilið, hafa byrjað óvenju illa í deildinni og sitja nú í 8. sæti með 8 stig. Tindastóll er hins vegar í því 10. með 6 stig og leikurinn afar mikilvægur fyrir okkar menn. Með sigri geta þeir væntanlega lyft sér upp í úrslitakeppnissæti, sem væri gott fyrir sálrænu hliðina þegar líður að jólum.
Okkar menn eru óðum að tjasla sér saman eftir "hnjösk" í síðustu leikjum. Rikki og Helgi Freyr hafa náð sér af sínum meiðslum og eiga að vera í góðu standi á fimmtudaginn. Helga Rafni Viggóssyni var vísað af velli í leiknum í Keflavík á sunnudaginn, en hann sleppur við áminningu eftir dóm aganefndar KKÍ í gær þriðjudag.
Strákarnir hafa sýnt það í undanförnum leikjum að þeir geta unnið hvern sem er hvar sem er. Liðið á talsvert inni í Svavari, sem á eftir að komast betur í takt við leik liðsins og þegar það gerist verður fjandinn laus. Líklegt byrjunarlið Tindastóls eru: Sean, Rikki, Hayward, Kiki og Helgi Rafn.
Fyrir leikinn mun stjórn körfuknattleiksdeildar boða ársmiðahafa í súpu og spjall í matsal Árskóla, en gengið er inn um aðalinngang sunnan megin á íþróttahúsinu. Þar mun Borce þjálfari mæta strax kl. 18 og fara yfir leikskipulagið í leiknum, auk þess að svara fyrirspurnum. Stjórnarfólk mun greina frá starfsemi deildarinnar en mest er þetta hugsað fyrir fólk að spjalla saman og gíra sig upp í stórleikinn við Njarðvíkinga. Mælist fundurinn vel fyrir, er áhugi á að halda þessum samverustundum áfram.
Tilraunaútsendingar munu hefjast frá leiknum á Tindastóll-TV og hægt er að smella á upplýsingasíðu Tindastóll-TV neðst í tenglaröðinni vinstramegin á síðunni, til að komast inn á útsendinguna.
Fleiri fréttir
-
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira -
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira -
Vel heppnuð námsferð stúdenta í iðnaðar- og orkutæknifræði á Sauðárkrók
feykir.is Skagafjörður 14.05.2025 kl. 13.17Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.Meira
