Tindastóll og Hvöt með sameiginlegt lið næsta sumar
Knattspyrnudeildir Tindastóls á Sauðárkróki og Hvatar á Blönduósi hafa undirritað viljayfirlýsingu um aukið samstarf deildanna. Þessi yfirlýsing felur m.a. í sér að félögin senda eitt sameinað lið til keppni í m.fl.karla. Viðræður hafa staðið yfir að undanförnu og niðurstaða beggja er sú að aukið samstarf geti ekki leitt til annars en jákvæðra hluta.
Það skal skýrt tekið fram að ekki er verið að leggja félögin niður. Tindastóll og Hvöt starfa áfram og vonandi munu knattspyrnudeildirnar verða enn öflugri.
Bæði þessi félög hefðu leikið í 2.deild karla á komandi leiktíð. Með þessari ákvörðun mun hinsvegar eitt öflugra lið undir nafni Tindastóls/Hvatar taka þar sæti. Einnig mun sameiginlegur 2.fl. þessara félaga taka þátt í mótum á vegum KSÍ auk annarra flokka. Yngstu flokkar félaganna keppa áfram undir merkjum sinna félaga.
Þessi ákvörðun var ekki auðveld og mikil tilfinningasemi einkenndi viðræðurnar. Hinsvegar teljum við að hún sé skynsamleg. Hún ætti einnig að geta orðið öðrum til eftirbreytni í auknu samstarfi á svæðinu.
Það er engin launung að aðstæður í samfélaginu hafa breyst á síðustu árum. Fjármagn til íþróttahreyfingarinnar hefur minnkað og æ erfiðara er að reka félög, jafnt á þessu svæði sem öðrum. Knattspyrnudeildir beggja standa þó vel að vígi fjárhagslega og eru skuldlausar með öllu. Þetta samstarf mun því gefa mikla möguleika þar sem meira fjármagn verður til ráðstöfunar hjá hvoru félagi til annarra hluta. Það er von okkar að iðkendur fái að njóta þess strax á næsta ári.
Framundan er vinna við að útbúa samstarfssamning sem verður formlega undirritaður innan tíðar. Samningurinn mun fyrst og fremst hafa það að leiðarljósi að styrkja knattspyrnuna á svæðinu, efla barna- og unglingastarf og gera alla umgjörð í kringum knattspyrnudeildirnar enn betri.
Fh. knattspyrnudeilda Tindastóls og Hvatar
Ómar Bragi Stefánsson, formaður knattspyrnudeildar Tindastóls
Hilmar Þór Hilmarsson, formaður knattspyrnudeildar Hvatar
Fleiri fréttir
-
Dimitrios dæmdur í eins leiks bann
feykir.is Skagafjörður, Íþróttir, Lokað efni 12.05.2025 kl. 23.23Það voru sannarlega læti í öðrum leik Tindastóls og Stjörnunnar í úrslitaeinvíginu um Íslandsmeistaratitilinn sl. sunnudag. Tveimur leikmönnum Stólanna var vikið út úr húsi, Arnari Björnssyni og Dimitrios Agravanis. Í dag ákvað aganefnd KKÍ að Dimitrios skuli sæta eins leiks banni en Arnar fékk áminningu.Meira -
SSNV til liðs við verkefnið Öruggara Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.05.2025 kl. 23.21Þann 9. maí síðastliðinn var haldinn þriðji fundur Öruggara Norðurlands vestra í Ljósheimum í Skagafirði. Í frétt á vef SSNV segir að fundurinn hafi verið vel sóttur og áhersla lögð á farsæld barna og ungmenna þar sem meðal annars var rætt um sameiginlega forvarnaáætlun svæðisins, FORNOR.Meira -
Stólastúlkur hefndu ófaranna í gærkvöldi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.05.2025 kl. 20.44Það er skammt stórra högga á milli í Garðabænum þessa dagana. Nú voru það Stólastúlkur sem sóttu lið Stjörnunnar heim í 16 liða úrslitum Mjólkurbikarsins í knattspyrnu. Liðin mættust fyrir skömmu í Bestu deildinni á Króknum og þá rændu Garðbæingar stigunum en í dag máttu þær þola 1-3 tap í framlengdum leik gegn skynsömu og skipulögðu liði Tindastóls sem fékk nánast öll færin í leiknum. Það má því kannski segja að Skólastúlkur hafi hefnt fyrir ófarir körfuboltastrákanna okkar í Garðabænum í gærkvöldi.Meira -
„Verður engin þjóðaratkvæðagreiðsla“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30„Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.Meira -
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira
