Tindastólsmenn heimsækja Vesturbæinn í kvöld
Fyrsti leikur í einvígi Tindastóls og KR um Íslandsmeistaratitilinn í körfuknattleik fer fram í DHL-höllinni í Reykjavík í kvöld. Ekki vantar spenninginn í stuðningsmenn Tindastóls sem gera sér vonir um gott gengi. Þegar tölfræðin er skoðuð er kannski ekki tilefni til bjartsýni því Stólarnir hafa ekki unnið leik í Íslandsmóti í DHL-höllinni síðan árið 2000.
Talnagúrúið Rúnar Birgir Gíslason sendi Feyki nokkra fróðlega punkta varðandi einvígi liðanna. „Þetta er í fjórða skipti sem þau mætast í úrslitakeppni en fyrsta skipti sem það er ekki í 8 liða úrslitum. KR vann fyrri einvígin öll; einvígið 1998 2-1, 2000 vann KR 2-0 og 2012 vann KR 2-0.
Þá var síðasti sigur Tindastóls í DHL höllinni í Íslandsmóti þann 14. desember 2000 en liðin hafa leikið 34 sinnum á heimavelli KR. Tindastóll hefur unnið fimm sinnum.
Tindastóll hefur einu sinni komist í úrslitaeinvígið, 2001 og tapaði 3-1 fyrir Njarðvík. KR hefur átta sinnum komist í úrslitaeinvígið frá því úrslitakeppnin byrjaði 1984. Þeir hafa unnið sex sinnum og tapað tvisvar,“ segir Varmhlíðingurinn Rúnar Birgir.
Aðeins einn leikmaður KR virðist geta státað af áberandi skagfirskum genum en það er Darri Freyr Atlason, sonur Atla Sveins og Jennýjar Leifs og þar með bróðursonur utanríkisráðherra. Önnur skagfirsk framsóknartengsl eru í KR en fyrrum oddviti Framsóknarflokksins á Sauðárkróki, Björn Magnús Björgvinsson, er pabbi hins skeggprúða Brynjars Þórs. Brynjar er þó fæddur í Reykjavík. Þá má nefna ein tengsl til viðbótar en Magni Hafsteinsson mun vera tengdasonur Kára Mar, aðstoðarþjálfara Tindastóls.
Talsverður fjöldi Tindastólsmanna hafa spilað með KR í gegnum tíðina og láta vel af veru sinni þar. Minna hefur verið um að KR-ingar hafi skilað sér á Krókinn en þó má nefna Palla Kolbeins til sögunnar í því sambandi.
Stuðningsmenn Tindastóls eru að sjálfsögðu hvattir til að fjölmenna á leikinn en fyrir hina sem ekki komast er rétt að geta þess að viðureignin er sýnd á Stöð2Sport í kvöld.
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
