Tindastólsmenn nældu í gott stig í Breiðholtinu
Tindastóll sótti Reykjavíkur-Leikni heim í gær í fyrstu umferð 1. deildar í karlafótboltanum. Liðin skiptust á jafnan hlut, gerðu sitt hvort markið en það voru Tindastólsmenn sem komust yfir seint í leiknum en voru ekki lengi í paradís því heimamenn jöfnuðu skömmu síðar.
Tindastólsmenn voru líklegri í fyrri hálfleik og fengu ágæt tækifæri í byrjun leiks. Strax á 11. mínútu hefði Leiknismaðurinn Óttar Bjarni Guðmundsson átt að líta rauða spjaldið fyrir geðveika tveggja fóta tæklingu með talsverðu tilhlaupi en dómarinn sýndi honum aðeins gult. Það var Atli Arnarson sem lá í valnum en hélt þó áfram leik. Stólarnir héldu áfram að fá sæmilega sénsa og þá sérstaklega eftir vel útfærðar skyndisóknir en staðan í hálfleik 0-0.
Heimamenn komust betur inn í leikinn í síðari hálfleik en skyndisóknir Tindastóls voru hættulegar og eftir eina slíka skoraði splunkunýr leikmaður Stólanna, Elvar Páll Sigurðsson á 78. mínútu eftir að hafa komist inn fyrir vörn og markmann Leiknis. Elvar Páll er bróðir Arnars Sig og skipti í Tindastól úr Breiðabliki núna á miðvikudaginn. Tveimur mínútum síðar fengu heimamenn aukaspyrnu á vinstri kanti og sendu boltann fyrir markið, vörn Tindastóls náði ekki að koma boltanum frá og Indriði Áki Þorláksson jafnaði metin. Eftir þetta lögðu Leiknismenn allt í sölurnar til að ná fram sigri en á ótrúlegan hátt náðu þeir að misnota nokkur dauðafæri og vörn Stólanna og Sebastian Furness í markinu björguðu því sem bjargað varð. Lokatölur 1-1.
Ágæt úrslit í fyrsta leik hjá Tindastólsmönnum en það verður vonandi gaman að fylgjast með liðinu í sumar. Liðið var þannig skipað að Sebastian Furness stóð milli stanganna líkt og síðastliðið sumar, í vörninni voru Edvard Börkur, Björn Anton, Fannar Örn (Arnar Skúli 68) og Ingvi Hrannar. Ruben M. Resendes, Atli og Elvar voru inni á miðjunni en Steven Beattie (Árni Arnars 82) og Arnar Sigurðsson (Benjamín JG 73) á köntunum en fremstur var Chris Tsonis.
Næsti leikur Tindastóls er í Borgunarbikarnum en þá mæta strákarnir liði Dalvíkur/Reynis í Boganum á Akureyri en leikurinn fer fram 14. maí kl. 20:00. Ekki er langt síðan að um meters þykkt snjólag var á Dalvíkurvelli og því ekki sénst að spila á honum. Fyrsti heimaleikur Stólanna í 1. deildinni verður gegn Völsungi en hann er áætlaður laugardaginn 18. maí kl. 14:00 en óvíst er hvort Sauðárkróksvöllur verður í leikhæfu ástandi. Eitthvað er þó farið að hlýna í Skagafirði og ekki laust við að grasið væri grænleitara í dag en í gær. En það segir nú kannski ekki mikið.
Að sjálfsögðu voru snillingarnir hjá Stólunum snöggir að setja saman myndband úr leiknum í gær og er hægt að skoða það á Tindastóll TV.
http://www.youtube.com/watch?v=Uk8unLaUuPo&list=UUkVj8TTHx4VQrHA9PdWITJQ&index=1
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
