Tindastólsstúlkur með silfur á Íslandsmóti
Á heimasíðu körfuknattleiksdeildar Tindastóls er sagt frá því að stelpurnar í 7. flokki urðu í gær í öðru sæti í Íslandsmótinu annað árið í röð eftir úrslitamótið sem haldið var í Keflavík. Heimastúlkur urðu Íslandsmeistarar. 9. flokkur drengja vann B-riðilinn hér heima og stúlknaflokkurinn vann tvo og tapaði tveimur í C-riðli á Akranesi.
Keflvíkingar eru með yfirburðalið í 7. flokki stúlkna en þar fyrir neðan eru öll hin fjögur liðin afar jöfn. Stelpurnar unnu KR 32-29 og Hrunamenn 31-25, en töpuðu fyrir Njarðvík 16-30 og Keflavík 52-15. Þetta dugði til annars sætis í riðlinum og vill heimasíðan óska stelpunum innilega til hamingju með árangurinn.
10. flokkur drengja vann B-riðill hér heima á laugardaginn. Njarðvíkingar sendu ekki lið til keppni og því var mótið klárað á einum degi.
Úrslit leikja okkar manna; Tindastóll- Skallagrímur; 63-44, Tindastóll- Fjölnir 67-46, Tindastóll- Breiðablik 78-35. Með þessum sigrum er liðið komið í A-riðil á ný og byrjar næsta tímabil þar. Stigaskor leikmanna; Pétur 65, Viðar 36, Kristinn 27, Bjarni 23, Finnbogi 22, Haukur 8, Sigurður Óli 8, Ágúst 6, Friðrik 6, Ingi Sveinn 3, Sighvatur 1, Elvar. Flottur árangur hjá strákunum.
Stelpurnar í stúlknaflokki kepptu í C-riðli á Akranesi. Leikin var tvöföld umferð við heimastúlkur í ÍA og KFÍ frá Ísafirði. Fyrri dagurinn hjá stelpunum var ekkert rosalega góður, en sigur vannst þó á Skagastúlkum 37-33. Ísabella var stigahæst með 14 stig, Ólína gerði 10, Helena 7, Þóra 4 og Helga 2. Næst kom skellur gegn KFÍ 28-51. Stigin skoruðu þær Ólína 11, Ísabella 6, Guðlaug 4, Helga 3 og þær Þórdís og Þóra 2 hvor.
Á sunnudag var allur annar bragur á leik stelpnanna þó fyrri hálfleikurinn hafi ekki verið góður á móti KFÍ, en staðan í hálfleik var 9-22 fyrir KFÍ. Í seinni hálfleik náðu stelpurnar að spila magnaða vörn og vinna sig inn í leikinn aftur með gríðarlegri baráttu. Tindastóll skoraði fjögur síðustu stigin í venjulegum leiktíma og jafnaði leikinn 36-36 svo framlengja þurfti. KFÍ-stelpurnar voru einbeittari í framlengingunni og unnu þriggja stiga sigur 41-38. Ólína var stigahæst í leiknum með 29 stig, Þóra var með 8, Guðlaug 5, Ísabella og Helga 4 hvor og þær Elín og Helena 2 hvor.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
