Tinna Haraldsdóttir meistaranemi LbhÍ fær viðurkenningu Skipulagsfræðingafélags Íslands
Skipulagsverðlaunin 2010 voru veitt í síðustu viku á Alþjóðlega skipulagsdeginum og veitir Skipulagsfræðingafélag Íslands verðlaunin í samvinnu við Skipulagsstofnun annað hvert ár. Ungur Skagfirðingur fékk sérstaka viðurkenningu.
Markmið verðlaunanna er að hvetja til umræðu um skipulagsmál og vekja athygli á því besta sem er að gerast á sviði skipulags á hverjum tíma. Ísafjarðarbær fékk skipulagsverðlaunin en meistaranemi við LbhÍ fékk viðurkenningu við þetta tækifæri.
Ísafjarðarbær fékk skipulagsverðlaunin 2010 fyrir Aðalskipulag Ísafjarðarðbæjar 2008-2020 en nefndin ákvað líka að veita MS ritgerð Tinnu Haraldsdóttur viðurkenningu. Heiti ritgerðar: „Samskipti, völd og skipulag. Hvernig fer það saman? Greining á aðkomu almennings að skipulagsferlinu á vestanverðu Kársnesi, Kópavogi.“ Tinna útskrifaðist sl. vor.
Á meðfylgjandi mynd er Tinna með þeim dr. Sigríði Kristjánsdóttur, sem er lektor við LbhÍ og verkefnisstjóri MS náms í skipulagsfræði LbhÍ en til hægri er Stefán Thors skipulagsstjóri ríkisins og meðleiðbeinandi.
Ritgerð Tinnu er hluti lokaprófs frá Umhverfisdeild Landbúnaðarháskóla Íslands. Tinna fékk viðurkenninguna fyrir framlag til umræðu um umbætur í skipulagsferlinu.
Á vef Landbúnaðarháskóla Íslands segir: „Á undanförnum áratug hafa átök í skipulagsmálum færst í vöxt. Samskipti íbúa, hagsmunaaðila og yfirvalda hafa á stundum reynst erfið. Takmörkuð umræða hefur farið fram um orsakir þessa og skort hefur grundvöll fyrir gagnlegar rökræður á þessu sviði. Ritgerð Tinnu Haraldsdóttur er tilraun til að greina þetta vandamál út frá gefnu tilviki og bryddar hún upp á nýjum leiðum til að forðast átök.
Ritgerðin er prýðisgott innlegg í umræðu um íbúalýðræði“, segir að lokum.
Tinna er fædd og uppalin á Sauðárkróki dóttir Haraldar Arasonar og Evu Sigurðardóttur.
Fleiri fréttir
-
Beint streymi úr æðarvarpi frá Hrauni á Skaga
feykir.is Skagafjörður 13.05.2025 kl. 07.25Það er eitt og annað sem vekur áhuga fólks fyrir framan skjáinn. Á dögunum var sagt frá því a Svíar fylgjast af áhuga með hreindýrum vaða ár á leið sinni milli svæða í Svíaríki. Gísli Einars var frumkvöðull í þessu svokallaða Slow TV og leyfði þjóðinni að fylgjast með sauðburði hjá Atla og Klöru á Syðri-Hofdölum fyrir fáeinum árum. Nú geta áhugasamir fylgst með beinu streymi úr æðarvarpi á Hrauni á Skaga.Meira -
Dimitrios dæmdur í eins leiks bann
feykir.is Skagafjörður, Íþróttir, Lokað efni 12.05.2025 kl. 23.23Það voru sannarlega læti í öðrum leik Tindastóls og Stjörnunnar í úrslitaeinvíginu um Íslandsmeistaratitilinn sl. sunnudag. Tveimur leikmönnum Stólanna var vikið út úr húsi, Arnari Björnssyni og Dimitrios Agravanis. Í dag ákvað aganefnd KKÍ að Dimitrios skuli sæta eins leiks banni en Arnar fékk áminningu.Meira -
SSNV til liðs við verkefnið Öruggara Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.05.2025 kl. 23.21Þann 9. maí síðastliðinn var haldinn þriðji fundur Öruggara Norðurlands vestra í Ljósheimum í Skagafirði. Í frétt á vef SSNV segir að fundurinn hafi verið vel sóttur og áhersla lögð á farsæld barna og ungmenna þar sem meðal annars var rætt um sameiginlega forvarnaáætlun svæðisins, FORNOR.Meira -
Stólastúlkur hefndu ófaranna í gærkvöldi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.05.2025 kl. 20.44Það er skammt stórra högga á milli í Garðabænum þessa dagana. Nú voru það Stólastúlkur sem sóttu lið Stjörnunnar heim í 16 liða úrslitum Mjólkurbikarsins í knattspyrnu. Liðin mættust fyrir skömmu í Bestu deildinni á Króknum og þá rændu Garðbæingar stigunum en í dag máttu þær þola 1-3 tap í framlengdum leik gegn skynsömu og skipulögðu liði Tindastóls sem fékk nánast öll færin í leiknum. Það má því kannski segja að Skólastúlkur hafi hefnt fyrir ófarir körfuboltastrákanna okkar í Garðabænum í gærkvöldi.Meira -
„Verður engin þjóðaratkvæðagreiðsla“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30„Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.Meira
