Tökum til í rekstri hins opinbera – báknið burt.
Nú þarf að skera niður útgjöld hins opinbera. Sú staða sem íslenska þjóðin er í leyfir ekki óráðsíu og óþarfa útgjöld í ríkisfjármálunum. Lykilatriðið í því sambandi er forgangsröðun. Það er með ólíkindum að það fyrsta sem mönnum dettur í hug þegar taka á til hjá hinu opinbera sé annars vegar að skerða þjónustu við íbúana, sér í lagi á landsbyggðinni og hins vegar að hækka skatta.
Við erum bara 300.000 og nú þurfa menn að horfa sér nær, einfalda þarf stjórnsýsluna og yfirbyggingu hins opinbera. Ríkisbáknið verður að skera fituna utan af sjálfu sér áður en niðurskurðurinn bitnar á íbúunum.
Það má ekki gerast að ráðist verði í blindan niðurskurð, heldur þarf að forgangsraða verkefnum með tilliti til þeirra markmiða sem að er stefnt. Nauðsynlegt er að gera heildstæða úttekt á starfandi nefndum á vegum hins opinbera. Fara verður yfir starfsemi viðkomandi nefnda og kanna hvort að markmiðum sem farið var af stað með hafi verið náð. Það gefur augaleið ef viðkomandi nefnd er ekki starfandi skal tafarlaust hætta öllum nefndargreiðslum. Jafnframt þarf að setja nefndum á vegum hins opinbera tímaramma t.d. 12 – 24 mánuði að hámarki. Hafi starfandi nefndir ekki náð tilskildum markmiðum á þeim tíma ber nefndarmönnum að útskýra hvað veldur, en að öðrum kosti skal leggja viðkomandi nefnd niður.
Taka þarf meðvitað á pólitískum stöðuveitingum hjá hinu opinbera. Faglegar ráðningar eiga að vera meginreglan, þó vissulega séu stöður þar sem eðlilegt er að stöðuveiting sé á pólitískum forsendum, t.d. aðstoðarmenn ráðherra. Þó verður að gera greinarmun á þessu tvennu, og setja þá reglu að þeir aðilar sem ráðnir eru í stöður á pólitískum forsendum fylgi þeim valdhöfum sem réðu þá til starfa. Þannig að t.d. þegar verða stjórnarskipti þá fara þeir einstaklingar út með lágmarks tilkostnaði fyrir skattgreiðendur. Þeir sem ráðnir eru á faglegum sjónarmiðum munu aftur á móti njóta réttarverndar sem opinberir starfsmenn. Með því móti verður komist hjá óvægnum og ómálefnalegum pólitískum hreinsunaraðgerðum eins og við höfum orðið vitni að í valdatíð núverandi minnihlutastjórnar.
Garðar Víðir Gunnarsson
Frambjóðandi í 3. sæti á lista Sjálfstæðisflokksins í Norðvesturkjördæmi.
Fleiri fréttir
-
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.