Tveir leikir hjá Tindastóli gegn Njarðvík í kvöld
Það verður tvöföld keppni í körfuboltanum í kvöld er Tindastóll tekur á móti Njarðvík annars vegar í síðasta leik deildarkeppninnar og svo drengjaflokkur í síðasta leik riðlakeppninnar strax á eftir.
Samkvæmt heimasíðu Tindastóls er nánast sami mannskapur í drengjaflokki og meistaraflokki Njarðvíkur, fyrir utan útlendinga, þannig að róðurinn gæti verið erfiður fyrir gestina í seinni leiknum
Eftir leik ÍR og Keflavíkur sl. mánudagskvöld varð ljóst að Tindastólsliðið er komið áfram í úrslitakeppnina þar sem ÍR, sem mögulega gat náð Tindastóli að stigum, tapaði sínum leik og verða ekki með. Í kvöld ræðst þá hvort Tindastóll haldi 7. sætinu eða missi það til gestanna sem nú sitja í 8. sæti. Ekki dugir minna fyrir gestina en að vinna með 8 stiga mun til að komast upp fyrir Stólana þar sem Tindastóll vann Njarðvík í fyrri leik liðanna 85-93 og innbyrðis viðureignir liðanna gilda.
Tveir lykilmenn meistaraflokksins verða ekki með í kvöld þar sem Helgi Freyr er í gipsi eftir meiðsli í síðasta leik og Igor Tratnik tekur út umdeilt leikbann.
Þá er ekkert annað í stöðunni en að taka kvöldið frá og hvetja bæði lið Tindastóls til sigurs í kvöld og til að láta sér líða betur í sitjandanum þá væri tilvalið að kaupa eina góða sessu á mann sem strákarnir úr frumkvöðlafræði FNV ætla að bjóða til sölu í kvöld.
Fyrri leikurinn hefst kl. 19:15 og fjótlega eftir leikslok sá seinni.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
