Undirbúningur Landsmóts á Hólum í fullum gangi
Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.
Stærsta verklega framkvæmdin sem fara þarf í er að endurbyggja velli en það þarf að gera reglulega því þeir vilja síga og aflagast. Stækka á upphitunarvöll og færa hann nær aðalvelli og gera nýja innkomu á aðalvöllinn. Annars býr svæðið að þeim framkvæmdum sem farið var í fyrir mótið 2016 og eru í fullu gildi.
Áætlað er að halda opinn kynningarfund um mótið og skipulag þess í haust, en hér koma þrjár litlar tilkynningar sem stjórn langar að koma til Skagfirðinga. „Von er á fjölda gesta á mótið og mikil eftirspurn eftir gistirými í Skagafirði og nágrannabyggðum. Við biðlum því til þeirra sem vilja leigja frá sér íbúðir, hús, herbergi, hjólhýsi eða hvað annað að hafa samband með tölvupósti á netfangið gisting@landsmot.is
Landsmót hestamanna verður ekki til nema með mikilli sjálfboðavinnu. Ef þú hefur áhuga á að taka vaktir á Landsmóti 2026 hvetjum við þig til að senda tölvupóst á landsmot@landsmot.is Sjálfboðaliðar fá ókeypis aðgang að Landsmóti, ókeypis aðgang að tjaldstæði, fæði á meðan að vöktun stendur og varning merktan Landsmóti.
Á Landsmóti verður lögð áhersla á fjölbreytni í framboði á mat og drykkjum. Einnig veglegt sölutjald með básum þar sem gestum býðst að kaupa ýmiskonar varning. Ef þú hefur áhuga á að taka þátt í sölu á mat eða varningi á Landsmóti hvetjum við þig til að senda tölvupóst á landsmot@landsmot.is”
Feykir mun fylgjast vel með undirbúningi Landsmóts og flytja fréttir reglulega af því sem er að gerast. hmj
Fleiri fréttir
-
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
