Ungir listamenn fá að mála í Gúttó

feykir.is Skagafjörður 23.11.2016 kl. 08.46
Mynd: Sólon
Mynd: Sólon

Listafólk í Sólon Myndlistarfélagi á Sauðárkróki ætlar að vera  með opna vinnustofu fyrir börn í Gúttó nk. sunnudag þar sem krökkum á öllum aldri verður boðið upp á að mála sín eigin listaverk með akríl á grunnaðar masónítplötur.

Í tilkynningu frá félaginu segir að upplagt sé fyrir þátttakendur að gera t.d. flotta jólagjöf handa ættingjum eða vinum en plöturnar eru í stærðunum A-4 og A-3 og passa því í staðlaðar rammastærðir. Efni og allt annað er frítt í boði Sólon og Menningarsjóðs Kaupfélags Skagfirðinga.

Allir hjartanlega velkomnir að líta við, kaffi, djús og piparkökur í sófa"horninu" okkar.

Sjá nánar á Facebooksíðu Sólons

 

Til baka

Fleiri fréttir

  • Tindastólsstelpur á Króksmóti fyrir nokkrum árum. Mynd: Fb.Króksmót.

    Króksmót ÓB um helgina

    feykir.is Skagafjörður, Íþróttir, Mannlíf, Lokað efni 19.06.2025 kl. 11.40 bladamadur@feykir.is
    Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.
    Meira
  • Stemmari á Hvammstanga 20. júlí 2010. MYND: ÓAB

    Óskað eftir tilnefningum til samfélagsverðlauna í Húnaþingi vestra

    feykir.is Vestur-Húnavatnssýsla, Mannlíf 19.06.2025 kl. 09.19 oli@feykir.is
    Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.
    Meira

  • Sjónhorn og Feykir koma út í dag

    feykir.is Skagafjörður, Austur-Húnavatnssýsla, Vestur-Húnavatnssýsla 19.06.2025 kl. 09.01 oli@feykir.is
    Feykir og Sjónhorn fara í dreifingu í dag, fimmtudaginn 19. júní, en þjóðhátíðardagurinn setti strik í reikninginn varðandi prentun og dreifingu og blöðin því að berast í hús degi síðar en vanalega. Sjónhornið var reyndar komið á netið í gær en rafræn útgáfa Feykis varð aðgengileg nú í morgun.
    Meira

  • Frelsið til þess að ráða eigin málum | Hjörtur J. Guðmundsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22 oli@feykir.is
    Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.
    Meira
  • Agnar á Miklabæ á sínum guðdómlega Trabant.

    Fornbílaeigendur í messu á Flugumýri 17. júní

    feykir.is Skagafjörður, Mannlíf, Lokað efni 18.06.2025 kl. 15.55 bladamadur@feykir.is
    Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.
    Meira
Yfirlit frétta