Unglingar komu eldri konu til hjálpar
Í Morgunblaðinu í dag segir frá frækilegu björgunarafreki nokkurra unglinga á Skagaströnd er þeir björguðu lífi eldri konu þegar hún fékk hjartaáfall í göngutúr utan alfaraleiðar. Einn drengur í hópnum hóf hjartahnoð strax og hnoðaði í 17 mínútur þangað til sjúkrabíll kom á staðinn. „Með skjótum og réttum viðbrögðum tókst krökkunum í sameiningu að bjarga lífi konunnar,“ segir í fréttinni.
Unglingarnir, sem eru nemendur í Höfðaskóla, voru á æfingu í leiklistarvali í félagsheimilinu Fellborg seinni partinn þann 7. apríl. Fyrir tilviljun sér ein stúlkan í hópnum út um gluggann þegar konan fellur fram fyrir sig á andlitið án þess að bera hendurnar fyrir sig. Konan var á vegslóða 150 - 200 metra frá félagsheimilinu þegar hún hneig niður. Þegar unglingarnir sáu að hún reis ekki aftur á fætur spruttu þau af stað.
Það var Viktor Már Einarsson, í 10. bekk, sem tók frumkvæðið og hringdi í neyðarlínuna til að fá ráð og skipulagði aðgerðir meðan hann hóf hjartahnoð. Viktor hélt síðan áfram að hnoða í 17 mínútur eða þar til sjúkraflutningamenn tóku við.
„Viktor og hinir unglingarnir hafa fengið tilsögn í skyndihjálp í skólanum sem greinilega kom sér vel í þessu tilfelli. Það má sannarlega hrósa krökkunum og þá sérstaklega Viktori fyrir að halda ró sinni og bregðast við þessari óvæntu uppákomu á hárréttan hátt,“ segir í fréttinni.
Uppfært kl. 10:53: Í upphaflegri frétt kom fram að konan væri þungt haldin á Landsspítalanum en ábending hefur borist um að konan hafi látist sl. föstudag. Feykir vottar fjölskyldu hennar og aðstandendum innilegar samúðarkveðjur.
Fleiri fréttir
-
David og Manu framlengja við Tindastól!
feykir.is Skagafjörður, Íþróttir, Lokað efni 19.12.2025 kl. 16.02Tindastóll hefur náð samkomulagi við David Bercedo og Manuel Ferriol um framlengingu á samningum þeirra við félagið til næstu tveggja ára! Í yfirlýsingu frá knattspyrnudeildinni segir að báðir leikmenn hafi verið lykilmenn í Meistaraflokki karla og lagt sitt af mörkum bæði innan vallar sem utan. Framlengingarnar eru liður í áframhaldandi uppbyggingu liðsins og undirstrika metnað félagsins fyrir komandi ár.Meira -
Jákvæð rekstrarniðurstaða í fjárhagsáætlun Húnabyggðar fyrir 2026
feykir.is Austur-Húnavatnssýsla 19.12.2025 kl. 15.07Fjárhagsáætlun Húnabyggðar fyrir árið 2026, sem og þriggja ára áætlun áranna 2027-2029, var samþykkt á sveitarstjórnarfundi á mánudaginn. Í frétt á Húnahorninu segir að áætlað er að heildartekjur A og B hluta verði 2.883 milljónir króna árið 2026, rekstrargjöld 2.423 milljónir og afskriftir rúmar 161 milljón. Rekstrarniðurstaða fyrir fjármagnsliði er áætluð jákvæði um 299 milljónir en að teknu tilliti til þeirra, jákvæð um 124 milljónir. Veltufé frá rekstri er áætlað rúmar 362 milljónir en afborganir langtímalána tæpar 274 milljónir.Meira -
Jólatónleikar í Hóladómkirkju
feykir.is Skagafjörður 19.12.2025 kl. 11.05Föstudaginn 19.desember verða jólatónleikar Skagfirska kammerkórsins í Hóladómkirkju, tónleikarnir hefjast kl.20. Á dagskrá eru gömul og góð jólalög í bland við nýrri, m.a. verður nýtt fallegt jólalag frumflutt sem var samið fyrir kórinn í tilefni af 25 ára afmæli kórsins, lagið er eftir Auði Guðjohnsen og ljóðið eftir okkar ástæla skáld Sigurð Hansen í Kringlumýri Skagafirði.Meira -
Fyrstu meistarar Tindastóls heiðraðir í gærkvöldi
feykir.is Skagafjörður, Íþróttir, Lokað efni 19.12.2025 kl. 10.18Í hálfleik á leik Tindastóls og KR í Síkinu í gærkvöldi var þess minnst að 50 ár eru síðan Tindastóll eignaðist sína fyrstu Íslandsmeistara í körfubolta. Gömlu kempurnar sem áttu heimangengt voru mættir til leiks og kynntir fyrir áhorfendum í hálfleik og veittar viðurkenningar. Ágúst Ingi Ágústsson, sem er manna fróðastur um sögu körfuboltans á Króknum, flutti smá tölu við athöfnina og má lesa hana hér.Meira -
247 stiga jólaveisla í Síkinu
feykir.is Skagafjörður, Íþróttir, Lokað efni 19.12.2025 kl. 09.10Það voru hálfgerð litlujól í Síkinu í gærkvöldi þegar Vesturbæingar mættu vel stemmdir til leiks gegn stigaóðu liði Tindastóls í síðustu umferð Bónus deildar karla fyrir jól. Leikurinn var spilaður á ofsahraða og má eiginlega segja að liðin hafi varla náð að stilla upp í vörn í leiknum – það var bara búið að skjóta áður. Gestirnir byrjuðu leikinn betur en heimamenn tóku völdin þegar á leið og lönduðu öruggum sigri. Lokatölur 130-117 en sjö leikmenn Tindastóls gerðu öll 130 stig liðsins og skoruðu þeir allir meira en tíu stig.Meira
