Uppbygging sundlaugar á núverandi stað fyrsti kostur
Á fundi byggðaráðs Skagafjarðar þann 9. júlí sl. var fjallað um undirbúning að enduruppbyggingu Sundlaugar Sauðárkróks ásamt leik- og útivistarsvæði. Fram kom á fundinum að allir flokkar í núverandi sveitarstjórn eru sammála um að fyrsti kostur í sundlaugarmálaum á Sauðárkróki er enduruppbygging Sundlaugar Sauðárkróks á núverandi stað.
Á fundinum lagði Bjarni Jónsson, oddviti V-lista, fram eftirfarandi tillögu:
„Undirbúningur verði hafinn að enduruppbyggingu Sundlaugar Sauðárkróks á núverandi stað í hjarta bæjarins, ásamt leik- og útivistarsvæði. Sveitarfélagið setji framkvæmdinni fjárhagslegan ramma og almenna umgjörð, en skoðað verði að gefa íbúum kost á að taka þátt í hugmyndavinnu við verkefnið.“
Í bókun sem Stefán Vagn Stefánsson, oddviti B-lista, og Sigríður Svavarsdóttir, oddviti D-lista, lögðu fram í kjölfarið kom fram að ýmsar hugmyndir hefðu verið uppi varðandi framtíðarsýn fyrir sundlaugina og lítið sem ekkert hefði verið gert við laugina á meðan en núverandi ástand væri ekki boðlegt mikið lengur.
Jafnframt kom fram að í fjárhagsáætlun fyrir árið 2015 væri gert ráð fyrir að farið yrði á hönnun á sundlauginni og sú vinna sé komin í gang. Verið sé að meta núverandi stöðu og fá hugmyndir til að vinna með svo hægt verði að taka ákvarðanir um hvernig best sé að standa að uppbyggingu mannvirkisins, en sveitarfélagið hefur fengið verkfræðistofuna Stoð ehf. með sér í þá vinnu. „Taka þarf ákvörðun um hvað eigi að byggja, kostnaðarmeta og setja í áætlanir sveitarfélagsins. Brýnt er að hraða þeirri vinnu sem kostur er,“ segir í bókun þeirra Stefáns Vagns og Sigríðar.
Eftir nokkrar umræður á fundinum var samþykkt bókun þess efnis að allir flokkar í núverandi sveitarstjórn væru sammála því að fyrsti kostur væri uppbygging sundlaugar á núverandi stað og var tillögunni vísað til þeirrar vinnu sem þegar er hafin.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
