Uppsögnum frestað um viku
Sjúkraflutningamenn á Blönduósi hafa frestað gildistöku uppsagna um eina viku í von um að kjaradeila þeirra leysist en sex af þeim sjö sjúkraflutningamönnum sem starfa hjá HSN á Blönduósi hafa sagt upp störfum.
Í samtali við Ríkisútvarpið í hádegisfréttum í gær segir Valdimar Leó Friðriksson, framkvæmdastjóri Landssambands slökkviliðs- og sjúkraflutningamanna þá hafa ákveðið að fresta aðgerðum að ósk yfirmanna hjá HSN. „Yfirmenn óskuðu fast eftir því, enda ekki um neina aðra að hlaupa í þessi störf. Þannig að þeir hafa samþykkt að fresta uppsögnum um eina viku."
Í kvöldfréttum Ríkisútvarpsins var rætt við Þórð Pálsson, sjúkraflutningamann á Blönduósi, sem sagði óánægju sjúkraflutningamanna beinast að því að þeim séu ekki greidd laun samkvæmt kjarasamningi, heldur eftir samkomulagi við ríkið. Við erum með lélegri tryggingar en þeir sem eru í föstu starfi og veikindarétturinn mjög lítill,“ segir Þórður. Ennfremur eru sjúkraflutningamenn á Blönduósi óánægðir með að sjúkraflutningamenn á Blönduósi sitji ekki við sama borð og starfsbræður þeirra á Siglufirði eða á Húsavík sem á rætur að rekja til þess að þegar sex heilbrigðisstofnanir á Norðurlandi voru sameinaðar í eina þá kom starfsfólk inn á ólíkum forsendum og ekki hefur tekist að jafna kjörin.
Þórður segir að sjúkraflutningamönnum sé full alvara og hafi samkomulag ekki tekist í næstu viku muni þeir leggja niður störf.
Tengdar fréttir:
Vandræðaástand að skapast í sjúkraflutningum í Austur-Húnavatnssýslu
Sjúkraflutningamenn á Blönduósi segja upp störfum
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
