Urðarköttur vann til sjö fyrstu verðlauna
Fyrirtækið Urðaköttur á Skörðugili í Skagafirði vann til sjö fyrstu verðlauna á íslensku skinnasýningunni sem haldin var innan Alþjóðlegu skinna- og tækjasýningarinnar í Herning i Danmörku á dögunum.
Að sögn Einars Einarssonar hjá Urðarketti hafa íslenskir loðdýrabændur undanfarin ár kosið að halda sína skinnasýningu á þessari alþjóðlegu sýningu. Samhliða geta íslenskir bændur líka sett skinn inn á alþjóðlegu skinnasýningunni, en Einar segist ekki hafa tekið þátt í henni þetta árið.
Keppnin byggist á því að þeir loðdýrabændur sem taka þátt leggja fram búnt með þremur skinnum í hvern litaflokk sem þeir kjósa að taka þátt í, en alls var keppt í 23 litaflokkum í ár. Veitt eru þrenn verðlaun í hverjum flokki. Einar var að vonum ánægður með árangur Urðarkattar, enda var fyrirtækið með flest fyrstu verðlaun á sýningunni.
Einar segir talsverða vinnu að taka þátt í sýningu af þessu tagi, því vanda þurfi valið úr framleiðslu ársins, en það er gert þegar skinnum er pakkað til sendingar á uppboð. Þó sé sú æfing sem fæst við að velja bestu skinnin mikilvæg fyrir bændurna og skili sér inn í kynbótastarfið bætta framleiðslu búanna.
Einar segir skinnin á íslensku sýningunni hafa verið stærri og betur meðhöndluð en nokkru sinni fyrr. Sömuleiðis hafi verið áhugavert að sjá dönsku skinnasýninguna og annað sem til sýnis var í Herning þessa daga.
Auk Urðarkattar tóku þrjú önnur loðdýrabú í Skagafirði þátt í íslensku skinnasýningunni í ár og náðu, að sögn Einars góðum árangri.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
