Útgáfu Byggðasögu fagnað
Á mánudagskvöldið var haldin samkoma að Hólum í Hjaltadal til að fagna útkomu 6. bindis Byggðasögu Skagafjarðar að viðstöddu fjölmenni. Fram kom að ritverkið væri einstakt á landsvísu, eitt viðamesta og metnaðarfyllsta verkefni í bókaútgáfu hér á landi en að þessu sinni er það Hólahreppur hinn forni sem fjallað er um.
Hjalti Pálsson ritstjóri verksins tók fyrstur til máls eftir að Bjarni Maronsson hafði sett samkomuna og þakkaði hann þeim fjöldamörgu sem hafa komið að útgáfu bókanna. Þakkaði hann Agli Bjarnasyni sérstaklega aðkomu hans að verkinu en það hóf hann með Hjalta árið 1996 og starfaði að því í 11 ár. Einnig sagði Hjalti frá góðri samvinnu við Fornleifadeild Byggðasafns Skagfirðinga sem bæði var skemmtileg og árangursrík. Sem dæmi hefði fyrir tilviljun, þegar unnið var í Kolbeinsdal, fundist kirkjugarður á Bjarnastöðum sem ekki var vitað um og engar heimildir fyrir en gröf sem þar fannst lá undir Heklugjósku frá 1104.
Ásta Pálmadóttir sveitarstjóri Skagafjarðar tók við fyrsta eintakinu og sagði það mikinn heiður og sérstök ánægja að fá að taka á móti bókinni á Hólastað þar sem hún sjálf var skírð á jóladag 1964. Fjölmörg atriði voru á dagskrá bæði upplestur úr hinni nýútkomnu bók sem vöktu hrifningu meðal gesta og erindi henni tengd voru flutt. Þá söng Kirkjukór Hóladómkirkju sálminn Heyr himnasmiður sem Kolbeinn Tumason orti skömmu áður en hann gaf upp öndina í Víðinesbardaga árið 1208. Annað tónlistaratriði var flutt af tveimur ungum mönnum sem spiluðu tvö lög á blásturshljóðfæri.
Bókin er 384 blaðsíður að stærð með 630 ljósmyndum, kortum og teikningum en þar af er kaflinn um Hóla 96 blaðsíður með rúmlega 170 ljósmyndum.
.
Fleiri fréttir
-
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira -
Kjarnorkuákvæðið virkjað
feykir.is Stjórnmál, Fréttir 11.07.2025 kl. 13.15Þórunn Sveinbjarnardóttir þingforseti beitti, í upphafi þingfundar í dag, 71. grein þingskaparlaga og lagði þar með til atkvæðagreiðslu tillögu um að stöðva um frumvarpið en kjarnorkuákvæðinu, eins og það er oft kallað, hefur ekki verið beitt síðan 1959. Tillagan var samþykkt með 34 atkvæðum gegn 20 atkvæðum.Meira -
Burðarþol íslenska hestsins rannsakað
feykir.is Skagafjörður, Hestar, Lokað efni 11.07.2025 kl. 11.08Burðargeta hesta er málefni sem er mikið rætt í hestaheiminum. Mjög margir hafa sínar skoðanir, en rannsóknir sem undirbyggja þekkingu á burðargetu hesta eru takmakaðar og nauðsyn að afla hennar á markvissan hátt. Íslenski hesturinn er vinsælt hestakyn um allan heim, hann er eftirsóttur sem reiðhestur og keppnishestur og er mikið notaður af hestaferðaþjónustu-fyrirtækjum og í reiðskólum. Þekking á því hvernig líkamsbygging hans tengist burðargetu er afar mikilvæg, bæði hvað varðar afkastagetu á gangtegundum og velferð hesta.Meira -
Höfðingi heimsóttur á Löngumýri
feykir.is Skagafjörður, Mannlíf, Lokað efni 10.07.2025 kl. 15.39Blaðamaður Feykis kom á Löngumýri á dögunum í fréttaleit. Þar rakst hann á bráðmyndarlegan mann og tók hann tali. Það kemur í ljós að maðurinn heitir Harladur Jójannsson, 96 ára Grímseynngur og sex mánuðum betur.Meira
