Útgáfuhóf Sýslu- og sóknalýsinga Húnavatnssýslu haldið í Breiðholtskirkju
Útgáfuhóf vegna endurskoðaðrar útgáfu Sýslu- og sóknalýsinga Húnavatnssýslu fór fram laugardaginn 11. október sl. í safnaðarheimili Breiðholtskirkju. Sögufélag stóð að viðburðinum í samstarfi við Húnvetningafélagið í Reykjavík og var dagskráin bæði fjölbreytt og fróðleg.
Að henni stóðu meðal annarra Ingibergur Guðmundsson, sem flutti áhugaverðan fyrirlestur um Júlíönu Sveinbjarnardóttur (f. 1832), ómaga í Vindhælishreppi. Því næst kynnti Sögufélag hina endurskoðuðu útgáfu sýslu- og sóknalýsinganna, en útgáfunnar nutu þeir Jón Torfason og Svavar Sigmundsson umsjón með. Þeir fluttu jafnframt erindi þar sem þeir fjölluðu um bókina og vinnuna á bak við hana.
Mikið fjölmenni var á viðburðinum og ríkti þar góð stemning enda efnið bæði menningarlegt og lifandi.
Sýslu- og sóknalýsingarnar eiga rætur að rekja til umfangsmikillar könnunar sem Hið íslenska bókmenntafélag stóð fyrir á fjórða áratug 19. aldar. Þá voru sendir spurningalistar til presta og sýslumanna um land allt með beiðni um að lýsa náttúrufari, landslagi, atvinnuháttum, menntun, siðferði, heilbrigði og fornleifum. Markmiðið var að draga upp heildstæða mynd af íslensku samfélagi þess tíma.
Í þessari nýju útgáfu Sögufélags má finna fjölmargt viðbótarefni, meðal annars áður óþekkta lýsingu á Höskuldsstaðasókn frá 18. öld, tvo merkilega uppdrætti sem fylgdu upprunalegu sóknalýsingunum en hafa ekki birst áður, auk ljósmynda af kirkjum og nokkrum höfundum lýsinganna. Þá er birt lýsing á Auðkúluheiði frá miðri 19. öld og stutt bréf um búnaðarhætti í Vatnsdal frá árinu 1890.
Um er að ræða einstakar staðháttalýsingar sem geyma dýrmætan fróðleik um landsvæði og mannlíf í Húnavatnssýslu á 19. öld. Í hverri lýsingu má lesa hvernig náttúran mótaði líf fólksins og hvernig samfélagið skapaði sér tilveru í nánu samspili við landið.
/Fréttatilkynning
Fleiri fréttir
-
2.7% hækkun á gjaldskrá leikskóla í Skagafirði
feykir.is Skagafjörður, Lokað efni 16.10.2025 kl. 14.37Byggðarráð Skagafjarðar samþykkti samhljóða á fundi sínum 15. október framlagðar breytingar fræðslunefndar á gjaldskrá leikskóla í Skagafirði fyrir árið 2026. Lögð var fram tillaga að 2,7% hækkun dvalargjalda, fæðisgjalda og skráningardaga leikskóla sem er í samræmi við verðlagsbreytingar út frá þjóðhagsspá Hagstofu Íslands.Meira -
Vantar þig stuðning?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 16.10.2025 kl. 13.22Ráðgjafi frá Ráðgjafarþjónustu Krabbameinsfélagsins verður á Sauðárkróki fimmtudaginn 23. október. Viðtölin verða á Heilbrigðisstofnun Norðurlands á Sauðárkróki. Viðtölin eru í boði bæði fyrir einstaklinga sem greinst hafa með krabbamein, aðstandendur og syrgjendur.Meira -
Njarðvíkingar unnu öruggan sigur
feykir.is Skagafjörður, Íþróttir, Lokað efni 16.10.2025 kl. 11.47Stólastúlkur léku við Njarðvík í Njarðvík í gærkvöldi og lutu í lægra haldi gegn sterkum andstæðing. Enn vantaði Alejöndru og Rannveigu í lið Tindastóls og Martín mætti því á ný til leiks með átta leikmenn á skýrslu. Heimaliðið náði forystunni strax í byrjun og lét hana aldrei af hendi og hafði í raun betur í öllum fjórum leikhlutunum. Lokatölur 92-70.Meira -
363 nemendur Árskóla sprettu úr spori
feykir.is Skagafjörður, Mannlíf, Lokað efni 16.10.2025 kl. 10.01Í gær tóku nemendur Árskóla þátt í Ólympíuhlaupi ÍSÍ. Á heimasíðu Árskóla segir af því að yngsta stigið hljóp 2,5 km, unglingastigið 4,5 km og miðstigið valdi á milli vegalengdanna, flest fóru 4,5 km. Hlaupið tókst vel í góðu veðri og tóku allir bekkir þátt.Meira
