Varað við hálku á fjallvegum norðanlands
Bíll fór út af og valt í morgun á Öxnadalsheiði en þar er nú flughált. Ökumaðurinn var samkvæmt upplýsingum einn í bílnum og hlaut ekki alvarleg meiðsl. Það er haustbragur á veðrinu þessa dagana enda komið fram yfir miðjan september svo það kemur ekki á óvart. Á vef Vegagerðarinnar má sjá að nú í morgun er varað við hálku á fjallvegum.
Verst virðist ástandið hér norðanlands vera á Öxnadalsheiði þar sem er flughált. Háka er á Þverárfjallsvegi og hálkublettir á Holtavörðuheiði. Þar sem flestir ökumenn eru enn með sumardekkin undir sjálfrennireiðum sínum þá er vissara að fara að öllu með gát þegar ekið er um fjallvegi. Að öðru leyti eru vegir greiðfærir.
Nú er um 2-3 stiga hiti í byggð á Norðurlandi vestra en heldur hlýnar þegar líður á daginn. Það má reikna með smá skúrum af og til en kaldara verður til fjalla og því áfram nauðsynlegt að hafa varann á þegar ekið er um fjallvegi. Þannig er til dæmis ekki reiknað með að hiti fari mikið yfir frostmark á Öxnadalsheiði og þar er spáð slyddu seinni partinn í dag og hita um frostmark í kvöld.
Veðrið verður svipað á morgun, fösstudag, en Veðurstofan spáir björtu og fallegu haustveðri á laugardag en hellirigningu mestallan sunnudag á svæðinu. Langtímaspár gera ráð fyrir hlýrra veðri í næstu viku og gerir Blika ráð fyrir 14 stiga hita á Sauðárkróki föstudaginn eftir rúma viku.
Fleiri fréttir
-
Sverrir Hrafn lofar geggjuðum leik
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.09.2025 kl. 10.17Í gærkvöldi birti Feykir létt spjall við Sigurð Pétur varafyrirliða Kormáks/Hvatar til að hita upp fyrir stórleikinn á Króknum á föstudaginn. Nú er komið að Sverri Hrafni Friðrikssyni fyrirliða Tindastóls að svara sömu spurningum. Já og leikurinn sem allt snýst um er semsagt undanúrslitin í Fótbolti. net bikarnum og gulrótin tvöföld; montrétturinn á Norðurlandi vestra og úrslitaleikur á Laugardalsvelli síðustu helgina í september.Meira -
Sýslu- og sóknalýsingar Húnavatnssýslu
feykir.is Austur-Húnavatnssýsla, Listir og menning 18.09.2025 kl. 09.06Húnahornið segir frá því að Sögufélag gefur út endurskoðaða útgáfu sýslu- og sóknalýsinga Húnavatnssýslu, skráðar 1839 og næstu ár þar á eftir. Það eru þeir Jón Torfason og Svavar Sigmundsson sem sáu um útgáfuna.Meira -
„Ef leikurinn tapast verður veturinn þungur og erfiður“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 17.09.2025 kl. 19.13Það er leikur á föstudaginn. Neinei, ekki körfuboltaleikur. Það er sjaldgæfur undanúrslitaleikur og alvöru grannaslagur í Fótbolti.net bikarnum. Ef þessi leikur væri frímerki þá væru allir safnararnir óðir og uppvægir í að komast yfir hann. Við erum að tala um aðra innbyrðisviðureign Tindastóls og Kormáks/Hvatar í sögunni. Slagurinn um montréttinn á Norðurlandi vestra. Feykir tók púlsinn á varafyrirliða Kormáks/Hvatar, Sigurði Pétri Stefánssyni, og spurði meðal annars hvað hann gæti sagt okkur fallegt um lið Tindastóls...Meira -
Stjörnumenn heimsækja Síkið í kvöld
feykir.is Skagafjörður, Íþróttir, Lokað efni 17.09.2025 kl. 14.50Mögulega eru ennþá einhverjir með óbragð í munninum eftir síðustu heimsókn Stjörnumanna í Síkið en það hefur aldrei skilað nokkrum einasta árangri að dvelja við það sem liðið er og í kvöld ætla Garðbæingarnir að heimsækja okkur og spila æfingaleik við meistaraflokk Tindastóls. Hefjast leikar eins og vant er 19:15 og þið þekkið þetta borgarar verða á grillinu og Indriði til aðstoðar fyrir árskortshafa.Meira
