Varnarleikur, fráköst og tapaðir boltar skipta sköpum
Það er ekkert að flækjast fyrir Karli Jónssyni með hverjum á að halda í einvígi Tindastóls og KR um Íslandsmeistaratitilinn. KR-baninn lauflétti hefur lengi verið viðriðinn körfuboltann og meðal annars leikið með og þjálfað lið Tindastóls frá unga aldri. Kalla líst alveg frábærlega á komandi rimmu liðanna.
Hvernig líst þér á viðureign KR og Tindastóls um Íslandsmeistaratitilinn? - Mér líst alveg frábærlega á þessa viðureign. Hún hefur í raun verið skrifuð í skýin í allan vetur og miðað við það hvernig tímabilið þróaðist er þetta rökrétt niðurstaða. Held að allir körfuboltaáhugamenn hvar í flokki sem þeir standa, geti tekið undir þetta.
Hvað hefur glatt þig mest í leik Tindastóls í vetur? - Það er margt sem hefur glatt mig í leik Tindastóls í vetur. Í fyrsta lagi samsetningin á leikmannahópnum. Hún er afar heppileg, góð blanda af ungum, miðaldra og öldruðum leikmönnum sem gerir gott jafnvægi í liðinu hvað leikreynslu og ungæðishátt varðar.
Þá er afar gaman að sjá ungu strákana sem hafa verið að fá aukna ábyrgð og standa fyllilega undir henni. Það er ekki amalegt fyrir þá að fá að stíga sín fyrstu skref í alvöru körfubolta undir verndarvæng og leiðsögn eldri leikmannanna.
Þá má ekki gleyma þætti þjálfunarteymisins hann er gríðarstór. Israel Martín hefur sannað sig rækilega sem toppþjálfari. Það er gaman að sjá hvernig hann nálgast verkefnið, hann er hér til að hjálpa segir hann, hann leikgreinir andstæðinga Tindastóls í ræmur og þó langir videofundir geti verið þreytandi, þá held ég að það skili sér allt núna í úrslitakeppninni.
En þarna hafa TIndastólsmenn hitt á mjög færan þjálfara sem vonandi verður sem lengst á Króknum.
Hvernig spáir þú að einvígið fari? -Ég er nánast aldrei spámannlega vaxinn og ætla ekki að hætta mér út á þá braut núna. En það eru ákveðnir þættir sem þurfa að vera til staðar í svona seríu sem skera úr um meistarana. Það er varnarleikur og fráköst og tapaðir boltar. Bæði lið geta spilað frábæra vörn. Stólarnir hafa fengið á sig 84 stig og KR tæp 82. Stærsta von Tindastóls felst í því að halda KR í kringum 80 stigin. Fráköst og tapaðir boltar skipta sköpum og ef Stólarnir vinna þá grunnvinnu sem þarf til að hafa þetta í lagi þá eiga þeir góðan séns. Njarðvíkingar hafa örugglega blásið Tindastólsmönnum von í brjóst eftir oddaleikinn sem þeir í rauninni köstuðu frá sér sjálfir á lokametrunum.
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
