Vegið að afkomuöryggi sjávarbyggða
Stjórn Samtaka sveitarfélaga á Norðurlandi vestra (SSNV) hefur sent frá sér ályktun þar sem þungum áhyggjum er lýst vegna frumvarpa til laga um stjórn fiskveiða og veiðigjald. Fram kemur í ályktuninni að samkvæmt útreikningum endurskoðunarfyrirtækisins KPMG mun veiðigjald útgerða á Norðurlandi vestra nema 933 milljónum króna auk þess sem varanlegar aflaheimildir á svæðinu munu dragast saman um 567 þorskígildistonn.
Ályktunin er eftir farandi:
Meirihluti stjórnar SSNV lýsir miklum áhyggjum af áhrifum framkominna frumvarpa um stjórn fiskveiða og veiðigjald. Minnt skal á að undanfarin ár hefur svæðið mátt búa við samdrátt á ýmsum sviðum. Það að boða stórfellda gjaldtöku á fyrirtækjum í sjávarútvegi er því bein aðför að stöðu Norðurlands vestra. Stjórnin áréttar þá sanngjörnu kröfu að sjávarbyggðir njóti réttlátar hlutdeildar í hverri þeirri gjaldtöku sem lögð verður á greinina.
Með fyrirliggjandi frumvörpum um stjórn fiskveiða er vegið að afkomuöryggi sjávarbyggða, þeirra sem starfa í greininni og fyrirtækja í sjávarútvegi, jafnt stórra en ekki síst smærri útgerða. Þá er horfið frá mikilvægum byggðatengingum. Nægir þar að nefna skerðingu á byggðakvóta, línuívilnun, rækju og skelbótum, boðað fyrirkomulag viðskipta með veiðiheimildir sem kemur hart niður á einyrkjum og smærri útgerðum, áhrif á þá sem treysta á fiskmarkaði og óljósa framsetningu leigupotta. Þá eru settar of miklar skorður gegn nýliðun í sjávarútvegi, en á meðal meginmarkmiða nýrrar löggjafar um stjórn fiskveiða ætti hinsvegar að vera að greiða fyrir nýliðun og þróun í atvinnugreininni og tryggja afkomugrundvöll sjávarbyggða.
Samkvæmt útreikningum endurskoðunarfyrirtækisins KPMG mun veiðigjald útgerða á Norðurlandi vestra nema 933 milljónum króna auk þess sem varanlegar aflaheimildir á svæðinu dragast saman saman um 567 þorskígildistonn (3,4%) frá því fyrir gildistöku laga nr. 70/2011 og 348 þorskígildistonn (2,1%) frá yfirstandandi fiskveiðiári.
Stjórnin skorar því á Alþingi að láta fara fram hlutlaust mat áhrifum frumvarpana, á atvinnuöryggi fólks, rekstaráhrifum á fyrirtæki, og sveitarfélög í byggðum landsins. Engum dylst nauðsyn þess að gera verður breytingar á núverandi fiskveiðistjórnarkerfi, til að ná betri sátt um einn af grunnatvinnuvegum þjóðarinnar, og tryggja verður þjóðareign á sjávarauðlindum. Sú „sátt“ getur ekki orðið eingöngu á kostnað sjávarbyggða og landsbyggðarinnar. Með vandaðri vinnu og samráði má ná árangri. Stjórnin SSNV er reiðubúin að taka þátt í slíku starfi.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
