Vegleg dagskrá á Eldi í Húnaþingi
Á dagskránni í dag, föstudag, má meðal annars finna bjórjóga sem verður í Félagsheimilinu kl. 16:00, heimsmeistarakeppnin í Kleppara fer fram í Grunnskóla Húnaþings vestra kl. 16:00 og hið árlega Flemmingpútt fer fram við heilsugæsluna kl. 17:00.
Klukkan 18:00 er boðið upp á gamansýningin Tatterdemalion í Félagsheimilinu. Um er að ræða sprenghlægilega, fráleita og töfrandi gamansýningu með hinum stórkostlega Henry Maynard. Þjáningar, svartur húmor og fegurðarfræði Viktoríutímans blandast saman og skapa frábæra og dularfulla umgjörð ljóðrænnar og súrrealískrar ferðar.
Sverrir Bergmann og Halldór Gunnar koma fram í Borgarvirki kl. 21:00. Sverrir og Halldór Gunnar hafa starfað saman í tæpan áratug og hafa þeir spilað vítt og breitt um landið og ýmislegt brallað á þeim tíma. Sverrir hefur einnig komið fram með Fjallabræðrum töluvert á þessum tíma og hefur hann sungið inn plötur hjá bræðrunum. Fyrir rúmu ári síðan stofnuðu þeir hljómsveitina Albatross sem sendi fyrst frá sér lagið ,,Ástin á sér stað” ásamt Friðrik Dór. Einnig kom út stuttskífa á netinu sem ber heitið ,,Albatross í Hlégarði” en þar er að finna nokkur tökulög. Nýjasta afurð Albatross er lagið ,,Ég ætla að skemmta mér” og kom það út í lok árs 2017.
Dagskránni lýkur svo í dag á tónleikum Moses Hightower í Félagsheimilinu kl. 23:00. Moses Hightower er talin ein fremsta hljómsveit landsins en hún hefur verið í fararbroddi íslenskrar sálartónlistar síðan 2007. Bandið hefur leikið á uppseldum tónleikum á stórum og smáum viðburðum, gefið út þrjú albúm í fullri lengd sem hlotið hafa einróma lof gagnrýnenda, og hlotið Íslensku tónlistarverðlaunin.
Dagskrá Elds í Húnaþingi má finna hér.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.