Veisla framundan með Fyrirliðanum og fröllum
Tindastóll spilar annan leik sinn í Dominos-deildinni í körfubolta í kvöld en þá mæta strákarnir okkar liði KR í DHL-höllinni. Leikurinn verður sýndur á KRtv og hefst kl. 19:15. Af þessu tilefni fer af stað ný fjáröflun Körfuknattleiksdeiildar Tindastóls í samstarfi við Hard Wok Café en stuðningsmönnum Stólanna og öðrum svöngum gefst tækifæri á að panta sér Fyrirliðann – gómsætan hamborgara með fröllum – og renna 500 krónur af hverjum borgara beint í bauk Tindastóls.
Í tilefni af endurkomu körfunnar náði Feykir í skottið á formanni Kkd. Tindastóls, Ingólfi Jóni Geirssyni, og lagði fyrir hann nokkrar spurningar.
Verða allir leikir karlaliðs Tindastóls sýndir á Stöð2Sport? „Það verða nú ekki allir leikirnir sýndir á Stöð2Sport en við erum með spennandi lið og hljótum að teljast áhorfendavænir, get allavega sagt að allir heimaleikir meistaraflokkanna hérna verða sýndir beint, hvort sem er hjá okkar frábæra TindastóllTV eða á Stöð2Sport.“
Spurður út í hvernig Kkd. Tindastóls nær að afla tekna á þessum erfiðu tímum segir Ingó: „Þar sem ekki er leyfi fyrir áhorfendum ennþá eru okkar einu tekjumöguleikar Vildarvinir Kkd. Tindastóls, auglýsingasala, beinir styrkir og fjáröflunarverkefni sem bæði felast i vinnu og söluverkefnum. Það eru að sjálfsögðu allir velkomnir i Vildarvina-klúbbinn okkar og svo vonumst við eftir góðum viðbrögðum í næsta söluverkefni.“ Næsta stóra fjáröflun deildarinnar er sala á 5 kíló pakkningum af hágæða ýsu frá Fisk Seafood; roðlausri, beinlausri og lausfrystri. Það ætti ekki að fara fram hjá fólki þegar salan fer af stað en askjan verður seld á 7.500 krónur.
Er eitthvað sem stuðningsmenn geta gert til að hjálpa til? „Í vetur höfum við fengið staðfest það sem við vissum nú reyndar alveg – að Tindastóll á langbesta stuðningsfólk landsins og hefur okkur verið mjög vel tekið í verkefnum vetrarins. Við munum halda áfram að reyna hinar ýmsustu fjáraflanir i vetur en best er að láta þær skýrast með tímanum svo eg rugli nú engu. En loksins erum við að fá að njóta íslensks körfubolta þó að það verði af skjánum til að byrja með. Það er veisla framundan, þétt prógram og flottir leikir,“ segir Ingó.
Feykir minnir á Fyrirliðann sem verður fáanlegur fyrir leik, eða frá kl. 18:00–19:15 og raunar líka í hálfleik. Hver Fyrirliði (ostborgari með grænmeti) með fröllum og kokteilsósu fer á 1.890 krónur og renna sem fyrr segir 500 krónur af hverjum borgara til Tindastóls. „Hard Wok er bara eðal stuðningsaðili sem hjalpar okkur við hvert tækifæri,“ segir þakklátur formaðurinn að lokum.
Þeir sem vilja gerast Vildarvinir körfuknattleiksdeildar geta smellt á þessa slóð, skráð sig inn á island.is með rafrænu auðkenni og kynnt sér málið >
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.