Veisla tamningamanna varð þeim vonbrigði
„Ég get sagt þér það vinur að ég hef ekki mikið álit á svona álappaletingjum. Því þetta er ekkert annað en bévítans leti og ómennska skal ég þér segja,“ sagði Sigurður Jónsson tamningamaður þegar hann hafði samband við Dreifarann á dögunum. Sigurði var mikið niðri fyrir, enda hafði mikil veisla sem hann ætlaði að halda fyrir Félag tamningamanna austan Vatna, nánast farið út um þúfur.
Segðu mér betur frá þessu Sigurður, hvað kom fyrir? -Nú ég hérna var búinn að bjóða til mikillar veislu og svona, búinn að redda áfengi já og gosi þarna um morguninn og átti þá bara eftir að elda hérna matinn. Svo varð ég bara eitthvað svo álappans þreyttur eftir að hafa skoðað WorldFeng þarna upp úr hádeginu að ég lagði mig aðeins, fékk mér smá kríu skilurðu.“
Smá kría er nú ekki löng. -Nei, nefnilega ekki, en þetta varð álappans löng kría skal ég þér segja. Ég vaknaði nefnilega ekki fyrr en allt of seint og þá með andfælum vinur, því þá mundi ég að jú ég var búinn að ná í áfengið en hafði gleymt að taka kjötið úr frystinum. Það var allt gaddfreðið skal ég þér segja.
Það var bagalegt Sigurður, hvað gastu gert? -Gat gert? Nú ég var náttúrulega í algjöru sjokki en þú þekkir mig, ég var snöggur að ná áttum og hugsaði með mér: Það hlýtur einhver að geta þítt kjötið fyrir mig. Svo ég fletti upp í netinu og fann löggiltan þýðanda.
Hringdirðu í löggiltan þýðanda? -Já, en ekki hvað? Maðurinn gefur sig út fyrir að þýða og er löggiltur að auki. Þetta var bara borðleggjandi. Svo ég hringdi í hann og sagði honum alla sólarsöguna en álappans letinginn sagðist ekki þíða hrossakjöt. Ég sagði honum að ég væri bara með naut og þyrfti að láta þíða það í hvelli en hann bara hló að mér, sagði reyndar eitthvað bull, búll, eða ég veit ekki hvað hann var að bulla. Ég er helst á því að álappans maðurinn hafi verið drukkinn.
Hvernig endaði þetta svo? -Nú ég skellti bara á álappans letingjann því hann neitaði staðfastlega að koma og vinna vinnuna sína. Svo ég pantaði kjúklingabita og franskar. Þeir voru nú ansi skúffaðir félagar mínir í Félagi tamningamanna austan Vatna þegar þeir sáu hvað var í veislumatinn. og ég get sagt þér það vinur að ég er ekki búinn að segja mitt síðasta því ég var að enda við að senda klögubréf á Félag löggiltra þýðenda vegna þessarar svívirðilegu framkomu. Svona bjánar eiga ekki skilið að halda starfi!
Ég held að þú hafir nú eitthvað misskilið starf hans Siggi. -Jájá, þú ætlar náttúrulega að taka upp hanskann fyrir þennan álappans aumingja. Það er alltaf eins með ykkur þarna á Króknum...
Fleiri fréttir
-
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.