Við gefum líf – afar vel heppnaðir kynningarfundir á Norðurlandi
Embætti landlæknis efnir til funda með starfsfólki í heilbrigðisþjónustu um allt land í tilefni af breyttum lögum um líffæragjafir, sem taka gildi núna um áramótin. Landsmenn verða sjálfkrafa gefendur líffæra með nýju ári en samkvæmt þeim lögum sem falla úr gildi á gamlársdag þarf að taka upplýsta ákvörðun um að gefa líffæri.
Þeir sem vilja af einhverjum ástæðum ekki vera sjálfkrafa líffæragjafar eftir lagabreytinguna geta skráð afstöðu sína á heilsuvera.is („mínar síður“). Heimilislæknar aðstoða þá sem ekki nota tölvu eða stunda tölvusamskipti. Nánari upplýsingar um líffæragjöf má finna á vef Embættis landlæknis undir https://www.landlaeknir.is/lif
Á heimasíðu landlæknis segir að Jórlaug Heimisdóttir, verkefnisstjóri hjá landlækni, hafi hitt starfsfólk Heilbrigðisstofnunar Norðurlands á Sauðárkróki 16. nóvember á fundi sem tókst afar vel og hafi verið gagnlegt upphaf kynningar málsins. Í gær var svo kynningarfundur á Sjúkrahúsinu á Akureyri þar sem Alma D. Möller landlæknir, Runólfur Pálsson, læknir á Landspítala, og Kristinn Sigvaldason, yfirlæknir á gjörgæslu Landspítala í Fossvogi, fjölluðu um lagabreytinguna og um líffæragjöf og líffæraígræðslu frá ýmsum hliðum og í sögulegu samhengi. Á báðum stöðum var kynnt nýtt merki og útlit fyrir verkefnið, Við gefum líf, sem Þórhildur Jónsdóttir, myndlistarmaður og grafískur hönnuður hannaði.
Árlega þarfnast 25-30 sjúklingar líffæraígræðslu á Íslandi og þeim fjölgar en líffærin eru flutt frá Íslandi til Svíþjóðar og grædd í sjúklinga á Sahlgrenska háskólasjúkrahúsinu í Gautaborg. Algengt er að ígrædd nýru komi frá lifandi gjöfum, oftast nánum ættingjum sjúklinga. Nýrnaaðgerðir eiga sér líka stað á Landspítala.
Alls hafa um hundrað manns á Íslandi gefið líffæri frá upphafi og því hafa vel yfir 350 manns notið góðs af þessum gjöfum lífsins því líffæri eins gjafa geta komið allt að sex manns til góða.
Bæði á Sauðárkróki og Akureyri var spurt um hvort aldur líffæragjafa skipti ekki máli. Svarið er að svo er bara alls ekki. Yngsti líffæragjafinn á Íslandi var nokkurra mánaða gamalt barn en sá elsti 85 ára Allir geta þannig gefið líf.
Sjá nánar HÉR
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.