Viðbjóðslegt drasl á meðal flokkaðs rusls
Starfsfólk Flokku á Sauðárkróki hafa brugðið á það ráð að sleppa því að losa grænar tunnur sem ekki er flokkað nægilega vel í og stendur til að herða það enn frekar. Verða þá engar óflokkaðar grænar tunnur losaðar. Á Fésbókarsíðu fyrirtækisins voru birtar myndir í morgun sem sýna vægast sagt dapurlegar myndir af rusli sem ætti að vera flokkað og hreint en þvælist fyrir þeim sem handflokka allt efnið í fimm flokka.
„Tökum nú höndum saman og gerum þetta eins og fólk svona á nýju ári, minnum félagana á og setjum ruslið í réttar tunnur svo má endilega deila síðunni svo að sem flestir geti séð!
Við tökum hress á móti öllum sem koma, alltaf tilbúin að hjálpa og fræða, svo er ekkert mál að smella mynd og senda inn spurningu hér á síðunni ef fólk er í vafa,“ segir í færslu sem fylgdi myndunum sem teknar voru á fjögurra klukkutíma tímabili. Myndunum var póstað til að fólk gæti fengið smjörþefinn af því hvernig sumir flokka í bænum og hvað sé að skila sér upp á færiband til starfsmanna.
„Meðan þið rennið í gegnum myndirnar getið þið haft spurninguna „myndi ég vilja þurfa að handfjatla þetta“ í huganum. Bæði eru þarna myndir sem sýna viðurstyggilega skítugt efni í pokum og hins vegar blandað efni í pokum sem er alls ekki „að flokka“,“ segir í færsunni.
þar er einnig reynt að leiðrétta þann misskilning sem einhverra hluta vegna fer alltaf af stað í bænum, að allt fari í sama skurðinn, en svo er ekki því í Flokku er verið að flokka.
„Við erum að senda til endurvinnslu. En til þess að það sé hægt verðum við, fólkið í sveitarfélaginu að gera þetta samviskusamlega, skola plast, fernur, áldósir. Ef það er ekki hreint, smitar það út frá sér og getur eyðilagt fyrir þeim sem eru að leggja sig fram við að gera þetta vel, fyrir utan að óhreint efni er ekki hægt að senda til endurvinnslu.“
Meðal þess sem kom upp á flokkunarfæribandið í gær, sem ekki voru teknar myndir af er rafgeymir, notaðar bleyjur, notaður kattasandur, fullir pokar af kertaafgöngum, óopnaðar niðursuðudósir, grenigreinar og blómvendir - ekki í sínu besta ástandi. Þetta er þó nokkuð og er listinn ekki tæmandi.
„Það sem þið setjið í grænu flokkunartunnurnar er sturtað inn í hús hjá okkur þar sem við handflokkum svo allt efnið í 5 flokka:
- Bylgjupappi
- Blöð/tímarit
- Umbúðaplast
- Fernur
- Ál
„Það eru einungis þessir fimm flokkar sem eiga heima í grænu tunnunni. Ég endurtek, bara þessir fimm,“ er ítrekað í færslunni og minnt á opnunartíma helgarinnar sem er milli klukkan 11:00-15:00 á morgun og 16:00-18:00 á sunnudag.
Sjá nánar HÉR
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.