Víðidalstungurétt um helgina
Stóðréttir verða í Víðidalstungurétt á morgun, laugardaginn 6. október, en fjörið sem réttunum fylgir hefst í dag. Á Facebooksíðunni Stóðréttir Víðidalstungurétt segir að stóðinu verði hleypt í gegnum hliðið við Bergárbrú í fyrsta lagi kl. 14:00. Hægt verður að kaupa sér hressingu í skemmunni á Kolugili milli kl. 14:00 og 17:00 og frá kl. 17:00 fæst kjötsúpa í réttarskúr kvenfélagsins Freyju við Víðidalstungurétt.
Í kvöld verður svo Mjólkurhúsið, en það er bar í fjósinu á Stóru-Ásgeirsá, opinn og bóndinn á bænum spilar þar fram á nótt. Á Gauksmýri verður stóðréttapartý í reiðskemmunni en þar opnar húsið kl. 22:00. Þar mun tónlistarbóndinn Skúli Einarsson á Tannstaðarbakka halda uppi fjörinu með lifandi tónlist frá því upp úr kl. 23:00.
Stóðið verður svo rekið til réttar klukkan 11:00 á laugardagsmorgun. Kvenfélagið verður með kaffisölu á staðnum og fylgir happdrættismiði frá Hrossaræktarfélagi Þorkelshólshrepps með keyptum veitingum þar sem fyrsti vinningur er folatollur undir Eld frá Bjarghúsum. Eftir réttina verður svo grillhlaðborð á Gauksmýri og opið hús í Mjólkurhúsinu á Stóru-Ásgeirsá fram eftir kvöldi en klukkan 23:00 hefst stóðréttardansleikur í Víðihlíð þar sem hljómsveitin Kopar ætlar að sjá um fjörið
Fleiri fréttir
-
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.